Сирларини ошкор қилиб мухлисларининг янада кўпроқ меҳрига сазовор бўлган Голливуд юлдузлари

Бой ва машҳур одамларнинг ҳаёти миллионлаб мухлислар, ижтимоий тармоқлардаги обуначилари ва телетомошабинларнинг эътиборини тортади. Ва бу бекорга эмас.

AdMe нашри юлдузлар ҳақидаги кўпчиликни ҳайратда қолдирадиган баъзи фактларни тақдим этади.

Зодагон Перис Хилтон мактаб-интернатда катта бўлган

Миллион долларлик бойлик меросхўри ва 2000 йилларнинг энг машҳур зодагон аёли жуда қийин ўтмишга эга. У жуда бадавлат, лекин жуда қаттиққўл оилада ўсган. Балки шунинг учун ҳам у ота-онаси билан тез-тез баҳслашар ва ўзини ёмон қизлардек тутгандир.

Охир-оқибат оила бунга чидай олмайди ва Перисни тарбияси оғир ўсмирлар мактаб-интернатига юборишади. Кейинчалик у бу ҳақда ҳужжатли фильм яратади, унда муассаса ходимларининг у ва бошқа ўқувчиларга нисбатан шафқатсиз хатти-ҳаракатлари ҳақида гапирилади. Хилтон у ердан деярли бир йилдан кейин, 18 ёшида чиқиб кетишга муваффақ бўлган.

Леди Гага Майкл Жексоннинг кийимларини сотиб олади

Майкл Жексоннинг ўзига хос услуби бор эди. Шу сабба ҳам кийимларидаги кўплаб деталлар кейинчалик урфга кирган. Мисол учун, страз (сунъий қимматбаҳо тош) билан безатилган қўлқоп, узун оқ пайпоқ ёки авиатор кўзойнак.

Леди Гага хонандани мода оламидаги илҳом манбаси деб атайди. Шунинг учун хонанданинг гардеробидаги нарсаларни сотиб олишни канда қилмайди. Айни пайтда унинг коллекциясида 400 га яқин буюм мавжуд. Кўпинча қўшиқчи кумирининг кийимларини ҳам кияди. 2016 йилда Леди Гага Майкл Жексоннинг пиджагида кўриниш берган.

Ченнинг Тейтумнинг севган қизи ҳамманинг кўз ўнгида уни ташлаб кетган

Ченнинг Тейтум Голливуднинг энг келишган эркакларидан бири ҳисобланади. Бироқ ҳар доим ҳам бундай бўлмаган. Мактаб йилларида актёр нохуш воқеани бошдан кечирган. Биринчи муҳаббати бўлган қиз ғалати тарзда у билан муносабатларни узишга қарор қилади. Унинг дугонаси мактаб автобусининг деразасидан Тейтумга қиз энди у билан бирга бўлишни хоҳламаслигини айтади. Автобусдаги ҳамма қалби синган болага қараб, устидан кулади.

Эмма Уотсон «Гарри Поттер» фильмини суратга олиш жараёнини доим бузиб турган

Эмма Уотсон болалигидан Гарри Поттер китобларининг мухлиси эди, уни фильмда ўйнашга таклиф қилишганда, у барча қаҳрамонларнинг сатрларини ёддан биларди. Бу режиссёр Крис Коламбус учун ҳақиқий муаммога айланади, чунки ёш актриса ҳар бир персонаж ўрнига гапириб, суратга олиш жараёнига халақит берарди. Уотсоннинг сўзларига кўра, у ҳар сафар кадр бузилгани учун кечирим сўраган, аммо ўзини ҳеч ҳам тутиб туролмаган.

Ариадна Гутеррезга аввалига «Коинот гўзали» тожи берилади, сўнгра олиб қўйилади

Колумбия вакили Ариадна Гутиeррез «Коинот гўзали-2015» финалини ҳеч қачон унутмаса керак. У тож ва лента тақилганида бир неча дақиқа ўзини ғолибдек ҳис қилади. Бироқ гўзаллик танлови бошловчиси — комедиячи Стив Харви адашганини эълон қилганидан кейин ҳаммаси ўзгаради.

Мусобақада Гутеррез иккинчи ўринни эгаллаган, биринчи ўрин филиппинлик қизга насиб этган эди. Ҳамманинг кўз ўнгида Ариаднанинг «Коинот гўзали» атрибутлари олиниб, бошқа иштирокчига кийдирилган. Бу воқеадан сўнг қиз филиппинлик рақибидан ҳам машҳур бўлиб кетди. Машҳурлар у ҳақида ижтимоий тармоқларда ёзишган, Харвининг ўзи узр сўраш белгиси сифатида уни телекўрсатувига фахрий меҳмон сифатида таклиф қилган.

Билли Айлиш қўшиғининг сўзларини унутиб қўйган

Билли Айлиш Coachella Валлей мусиқий фестивалида чиқиш пайтида «All the good girls go to hall» хитини ижро этаётиб қўшиқ матнини унутиб қўяди. Мухлислари дарҳол юлдуз ўрнига қўшиқ айтишни бошлайдилар ва шу билан унга композициянинг сатрларини эслатадилар.

Киану Ривз интернетда ўзи билан бўладиган учрашувни сотган

Киану Ривз Голливуднинг энг сирли юлдузларидан бири, аммо яхши сабабга кўра мухлисларининг уни яқинроқ билишига рози бўлади. Актёр билан 15 дақиқалик Zoom учрашуви хайрия тадбири доирасида кимошди савдосига қўйилади. Шу йўл билан актёр онкология билан оғриган болалар учун ўн минглаб доллар хайрия қилади.

Худди шу мақсадда қўшиқчи Элли Брук, актёр Жонатан Фрейкс ва бошқа бир қанча таниқли одамлар ўзлари билан бўладиган учрашувларни онлайн тарзда сотган.