Фил кастингларида актёр ва актрисалар ўзининг ролга мослигини исботлаш учун маҳорат ва қобилиятларни намойиш этади. Натижада директор ва продюсер муайян вазифалар учун тўғри келадиган номзодни танлайди. Аммо баъзида рад этилган актёрлар ўзларига ишонган ҳолда бу ролга фақат улар муносиб эканига фильм ижодкорларини ишонтира олади.
Риз Уизерспун «Қонундаги малласоч» ижодкорларига у ёқимсиз эмаслигини исботлаши керак бўлган
Риз Элле Вудс ролини олишга ҳаракат қилганда, студия унга шубҳа билан қараган. Улар Ризни ёқимтой малласоч қиз роли учун мос эмас деб топган.
Ўша пайтда Риз пулга жуда муҳтож эди, шунинг учун у ролни қўлдан чиқармасликка ҳаракат қилади. У студия раҳбарларининг суҳбатига етиб келгунга қадар бир неча кастингларда қатнашади. Якуний интервьюда актриса коллежни ташлаган ва ҳеч қачон аёллар клуби аъзоси бўлмаган бўлса ҳам, талабалик ҳаёти ҳақида гапириб беради. Қандай бўлмасин, Уизерспун орзу қилган ролини олишга муваффақ бўлади.
Кристиан Бэйл «Америкалик психопат» фильмини суратга олиш ишларидан олдин рақибларидан қутулишнинг айёрона усулидан фойдаланган
Дастлаб «Америкалик психопат» фильмига бош рол учун Леонардо Ди Каприо ва Юань Макгрегор номзоди кўриб чиқилади. Ва бу ҳолат фильмда роль ўйнашни орзу қилган Кристиан Бэйлга ёқмайди. Аввалига киностудия вакиллари у ҳақида ҳеч нарса эшитишни ҳам истамаган бўлса-да, актёр ҳийла ёрдамида ролни қўлга киритишга қарор қилади.
Бэйл рақиблари билан боғланиб, уларга бу ролни ёмонлайди, бу уларнинг карьерасига салбий таъсир қилади, дейди. Асосий номзодлар ролни рад этишгач,фильм ижодкорларининг у билан боғланиб, уни суратга олишга таклиф қилишдан бошқа иложи қолмади.
Рад этилганидан сўнг Жулиа Робертс ташқи қиёфасини ўзгартиради ва «Мистик пицца» фильмидаги кастингда яна омадини синаб кўради
Жулиа Робертснинг ташқи кўриниши туфайли «Мистик пицца» фильмидаги ролга уни олишни исташмаган. Фильм ижодкорлари уларга португалларга ўхшайдиган қиз кераклигини, шунинг учун улар Жулиянинг ижросидан жуда мамнун бўлишса-да, уни рад этишга мажбур эканликларини тушунтиради.
Робертс шу заҳоти дўконга бориб, охирги сентларига қора мусс сотиб олади, сочини бўяйди. Мусс шу қадар сифатсиз бўладики, соч бўяш пайтида актрисанинг қўллари қорайиб кетади. Аммо у қора сочда кастинг менежерлари олдига чиқишга ва ролни қўлга киритишга муваффақ бўлади.
Леди Гага «Юлдуз туғилди» фильми ижодкорларини унинг саҳнадаги персонажи фильмдаги қаҳрамонни акс эттирмаслигига ишонтира олади
Дастлаб «Юлдуз туғилди» фильмида Бейонсе бош ролни ўйнаши керак эди. Аммо қўшиқчи лойиҳани тарк этади. Бироз вақт ўтгач, Леди Гаганинг номзоди кўриб чиқишга қарор қилинади. Бироқ Warner Bros. вакиллари бу фикрга жуда салбий муносабатда бўлишади: улар Леди Гага драматик фильмда рол ўяй олмайди деб ҳисоблашади.
Аммо фильм продюсери қизга имкон беради. Хонанда кастинглардан ўтади ва провокацион кийим, ёрқин макияжсиз ҳам эътиборни жалб қила олишини барчага исботлайди.
Эмма Уотсон «Элита жамияти» фильмидаги роль учун ҳақиқатан ҳам курашади
«Гарри Поттер»нинг суратга олиш ишлари тугагандан сўнг, Эмма Уотсон томошабинларга янги образда кўриниш имкониятини қидиради. Бундан кейин Гермиона Гренжер билан алоқадор бўлишни хоҳламайди. Актриса «Элита жамияти» картинасининг сценарийсини ўқиганида, у ахлоқий меъёрларга бўйсунмайдиган қиз Никки ролини олиш истаги билан ёнади.
«Мен бу ролни олиш учун ҳақиқатдан курашганман. Чунки кўпчилик мени ёқимсиз характер сифатида тасаввур қила олмасди. Ники менда мавжуд бўлмаган барча фазилатларни ўзига сингдирди», — деди актриса.
Тимоти Шаламе эътиборга тушиш учун «Дюна» фильми директорини таъқиб қилган
Тимоти Шаламе Дени Вилнев «Дюна» романини асосида фильм суратга олмоқчи эканлигини билгач, бош ролга эга бўлиш учун ишга киришади. Актёр компьютер технологиялари ёрдамида ноодатий стратегия ишлаб чиқади. Тимоти ўз браузерида махсус огоҳлантиришларни ўрнатади: тармоқда директорнинг исми кўрсатилган янги маълумотлар пайдо бўлганда, билдиришнома келади.
Шу тарзда Шаламе Вилнев иштирок этадиган базмлар ҳақида билиб олади. Кейин у ўша жойларга бориб, режиссёрнинг кўзига тез-тез туш бошлайди. Натижада Денис Тимотини «Дюна» фильмига таклиф қилади. Кейинчалик режиссёр айтишича, у Пол ролида Тимоти Шаламедан бошқа ҳеч кимни тасаввур қилмаган. Вилнев бошиданоқ Шаламени лойиҳага таклиф қилмоқчи бўлганми ёки актёрнинг маккорона тактикаси иш бердими, бу ҳозирча номаълум.
Изоҳ (0)