Италия А Серияси 31-туридаги “Рома” — “Ювентус” учрашуви 6 апрель, якшанба куни ўтказилди. Унда жамоалар 1:1 ҳисобида дуранг ўйнади. Римликларнинг ягона голи Элдор Шомуродов томонидан киритилди.
Дастлаб ҳисоб 40-дақиқада Турин клуби томонидан очилди. Мануэл Локателли Свилар дарвозасига гол уриб, “Ювентус”ни ҳисобда олдинга олиб чиқди.
Иккинчи таймнинг 49-дақиқасига келиб, бурчакдан узатиб берилган тўпни Элдор Шомуродов рақиб дарвозасига киритиб қўйди ва таблодаги ҳисобни 1:1 кўринишига келтириб қўйди.
Ўйиннинг қолган дақиқалари ҳам қизғин курашлар остида ўтди, лекин дарвозаларга бошқа гол киритилмади. Ушбу натижадан кейин “Ювентус” оcколари сонини 56 баллга етказиб, турнир жадвалининг 5-поғонасидан жой олди. “Рома” 53 балл билан 7-ўринни эгаллаб турибди.
Италия А Серияси
31-тур
6 апрель, якшанба
“Рома” — “Ювентус” 1:1
Голлар: 0:1 — Локателли (40), 1:1 — Шомуродов (49)
“Рома”: Свилар, Манчини, Ҳуммелс (Шомуродов (46), НъДика, Челик (Нелссон, 72), Коне, Кристанте (Паредес, 61), Анхелинё, Суле, Эл-Шарави (Дуат, 61), Довбик (Балданзи (85)
“Ювентус”: Грегорио, Калулу, Вейга, Келли, Веа (Комбясо, 68), Локателли (Савона, 76), Тюрам, Маккенни, Гонсалес (Копмейнерс (69), Йилдиз, Влаҳович (Коло-Муани, 68).
Изоҳ (0)