“Ювентус” “Аталанта”ни мағлуб этиб, Италия Кубоги соҳибига айланди

Футбол бўйича Италия Кубогининг финалида “Ювентус” ва “Аталанта” 15 май, чоршанба куни ўзаро баҳс олиб боради.

Учрашувнинг 4-дақиқасида Душан Влаҳович ҳисобни очди. Ўйин охирига қадар шу ҳисоб сақланиб қолди ва туринликлар ғалаба қозонди.

“Ювентус” ўз тарихида 15 марта мамлакат Кубогини қўлга киритди. Бу рекорд ҳисобланади. Ундан кейинги ўринлардаги “Рома” ва “Интер”да 9 тадан ғалаба мавжуд. “Бянконери” сўнгги бор 2021 йилда Италия Кубогида зафар қучганди.

Шунингдек, клуб Массимилиано Аллегри қайтганидан сўнг илк бор соврин қўлга киритди.

Италия Кубоги

Финал

15 май, чоршанба

“Аталанта” – “Ювентус” 0:1

Гол: 0:1 – 4 Влаҳович.

“Аталанта”: Карнезекки, Заппакоста (Ҳатебур, 59), Жимшити, Хин (Скалвини, 59), де Рон (Толои, 65), Ружери, Пашалич (Миранчук, 59), Копмейнерс, Эдерсон, де Кетеларе (Туре, 46), Лукман.

“Ювентус”: Перин, Камбязо (Веа, 81), Данило, Бремер, Гатти, Рабьо, Николусси-Кавиля (Миретти, 62), Маккенни, Кьеза (Йилдиз, 69), Влаҳович (Милик, 81), Айлинг.

Огоҳлантиришлар: Хин (17), Влаҳович (55), Жимшити (78), Бремер (90), Толои (90+6).