Англия чемпионатида ўйнайдиган футболчиларнинг трансфер нархи янгиланди. Ўзбекистон терма жамоаси ва “Манчестер Сити” клуби футболчиси Абдуқодир Ҳусановнинг трансфер суммаси 3 баробар ошиб, 35 миллион еврога етди.
Футболчининг олдинги нархи 12 миллион евро эди. У қишда Англияга кўчиб ўтгач, 8 та учрашувда майдонга тушиб, 1 марта рақиб дарвозасини ишғол қилди. Шунингдек, ҳимоячи “шаҳарликлар” сафида февраль ойининг энг яхши футболчиси деб эътироф этилди.
Ҳусанов шу тариқа Ўзбекистон терма жамоаси сафида ҳаракат қилган энг қиммат футболчи сифатида рекорд ўрнатди. Бунга қайд этилган натижа Элдор Шомуродовга тегишли бўлиб, у 2021 йил “Женоа”дан “Рома”га ўтгач, 14 миллион еврога баҳоланган эди.
Абдуқодир Ҳусанов ҳозирги пайт нафақат Ўзбекистон терма жамоаси, балки Марказий Осиёдаги энг қиммат футболчи ҳисобланади.
Маълумот учун, 20 март куни Ўзбекистон терма жамоаси Тошкентдаги “Бунёдкор” стадионида Қирғиз Республикасига қарши майдонга тушади, 25 мартда эса Эронга қарши ўйнайди
Изоҳ (0)