А Серия. “Рома” ўз майдонида рақиби устидан ишончли ғалабага эришди, “Ювентус” Бергамода очко йўқотди

Футбол бўйича Италия А Сериясининг 7-туридан ўрин олган ўйинлар 1-октябрь, якшанба куни бўлиб ўтди.

“Ювентус” сафарда “Аталанта” меҳмони бўлди. Учрашувда дарвозалар ишғол этилмади ва жамоалар дуранг натижага имзо чекди.

Турин клуби ушбу дурангдан сўнг, очколари сонини 14 тага етказиб, 4-ўриндан жой олди.

“Рома” ўз майдонида “Фрозиноне”га қарши баҳс олиб борди. Ўйиннинг дастлабки дақиқаларида римликлар устунлик қилди ва 21-дақиқада ҳисобни очишга муваффақ бўлди. Бельгиялик ҳужумчи Ромелу Лукаку рақиб дарвозасини ишғол қилди. 

Иккинчи бўлимда ҳам хавфли вазиятлар бўлди. 83-дақиқага келиб, дарвоза томон йўл топилди. Бу сафар Пауло Дибаланинг узатмасини Лоренсо Пеллегрини голга айлантирди. Қолган дақиқаларда гол урилмади ва “Рома” ғалабани расмийлаштирди.

Жозе Моуриньо шогирдлари очколари сонини 8 тага етказиб, 11-ўринга кўтарилиб олди.

А Серия

7-тур баҳслари

1-октябрь, якшанба

“Аталанта” – “Ювентус” 0:0

“Аталанта”: Муссо, Заппакоста (Ҳолм, 82), Толои, Жимшити, Скалвини (Колашинас, 65), Ружери (Баккер, 86), де Рон, Копмейнерс, Эдерсон, де Кетеларе (Пашалич, 82), Лукман (Муриэль, 65).

“Ювентус”: Шенсни, Данило, Бремер (Ругани, 84), Гатти, Камбязо (Костич, 68), Маккенни (Веа, 84), Рабьо, Локателли, Фажоли (Миретти, 68), Кьеза, Кин (Йилдиз, 75).

Огоҳлантиришлар: Рабьо (45), Данило (53), Ҳолм (90).

“Рома” – “Фрозиноне” 2:0

Голлар: 1:0 – 21 Лукаку, 2:0 – 83 Пеллегрини.

“Рома”: Руй Патрисиу, Карсдорп (Кристенсен, 70), Манчини, Ндика, Кристанте, Спинассола, Паредес, Пеллегрини (Ауар, 85), Бове, Дибала, Лукаку.

“Фрозиноне”: Турати, Оёно, Романоли (Брешианини, 19), Околи, Монтеризи, Маркисса, Массителли (Бурабия, 86), Барренечеа (Ибраҳимович, 86), Соулэ, Чуни (Шеддира, 62), Баэс (Казо, 62).

Огоҳлантиришлар: Барренечеа (46), Карсдорп (64), Соулэ (81).