Европа Лигаси 1/8 финал доирасидан ўрин олган “Атлетик Бильбао” ва “Рома” ўртасидаги баҳс 13 март, пайшанба куни бўлиб ўтди. Учрашувда майдон эгалари 3:1 ҳисобида ғалаба қозонди. Шу тариқа, икки ўйин натижасига кўра (4:3), басклар чорак финал йўлланмасини қўлга киритди.
Жанговар руҳда бошланган ўйинда “Рома” футболчилари дастлаб ишончли ҳаракат қилаётган эди. Бироқ 11-дақиқада ҳимоячи Матс Ҳуммелс қизил карточка олиб, меҳмонларни оғир аҳволга тушириб қўйди. Ушбу ҳолат “Атлетик”га ҳужумда устунлик бериб, рақибга босимни ошириш имкониятини яратди.
Учрашувни захирадан бошлаган Элдор Шомуродов 61-дақиқада Пауло Дибаланинг ўрнига майдонга тушди. Ўзбекистонлик ҳужумчи фаол ҳаракат қилган бўлса-да, Рим клуби ўзига керакли натижага эриша олмади.
Натижада “Атлетик” умумий ҳисобда 4:3 билан ғалаба қозониб, Европа Лигасининг чорак финалига йўл олди. “Рома” эса ушбу турнир билан хайрлашишга мажбур бўлди.
Европа Лигаси
1/8 финал жавоб учрашуви
13 март, чоршанба
“Атлетик” — “Рома” 3:1 (умумий ҳисоб 4:3)
Голлар: 1:0 — Нико Уильямс (45+3), 2:0 — Юри Берчиче (68), 3:0 — Нико Уильямс (82), 3:1 — Леандро Паредес (пенальти) (90+3).
“Атлетик”: Хулен Агирресабала, Юри Берчиче, Оскар Де Маркос, Айтор Паредес (Иниго Лекуэ 69), Унаи Нунес, Микель Хаурегисар, Иниго Руис де Галаррета, Унаи Гомес (Алекс Беренгер 46), Нико Уильямс, Иньяки Уильямс, Мароан Саннади (Горка Гурусета 77)
“Рома”: Миле Свилар, Эван Ндика, Матс Хуммелс, Джанлука Манчини, Томмазо Балданси (Никколо Пизилли 61), Пауло Дибала (Элдор Шомуродов 61), Анхелино, Девайн Ренш (Алексис Салемакерс 84), Леандро Паредес, Брайан Кристанте, Артём Довбик (Матиас Soulэ 53)
Четлатиш: Матс Ҳуммелс 11
Изоҳ (0)