АПЛ. «Ливерпуль» «Арсенал»га қарши, Брендан Рожерс «тулкилар»и «Челси»ни қабул қилади, «Манчестер Юнайтед» Уотфордга сафар қилади
«Ливерпуль» — «Арсенал», 20 ноябрь, 22:30
2021/22 йилги мавсумни Юрген Клопп шогирдлари идеал тарзда бошлай олмади. Ортда қолган 11 турдан сўнг мерсисайдликлар 22 очко тўплай олди. «Ливерпуль» ҳисобида 6 та ғалаба, 4 та дуранг ва битта мағлубият мавжуд. Чемпионлар Лигасида эса 4 та ўйинда 4 та ғалаба ва плей-офф йўлланмаси ҳал қилинди. Ўтган турда «Ливерпуль» кутилмаганда «Вест Ҳэм»га (2:3) имкониятни бой бериб қўйди.
Ўтган мавсумда «Арсенал» 8-ўринни эгаллаган ҳолда Еврокубоклардан қуруқ қолганди. Микель Артета шогирдлари жорий мавсумни ҳам кўнгилдагидек бошламади. «Брентфорд» (0:2), «Челси» (0:2) жамоаларига кетма-кет ўйинларда мағлуб бўлди. Артетанинг истеъфоси кутилаётганди. Аммо раҳбарият мураббийга ишонч билдирди. Натижада, «Манчестер Сити»га учралган 0:5 ҳисобидаги мағлубиятдан сўнг барча мусобақалар доирасида кетма-кет 10 та ўйиндан буён ютқазмай келмоқда. Ҳозирда лондонликлар 20 очко билан бешинчи ўринга жойлашган.
Қолган учрашувлар:
20 ноябрь, шанба
«Лестер» — «Челси», 17:30
«Астон Вилла» — «Брайтон», 20:00
«Бёрнли» — «Кристал Пэлас», 20:00
«Ньюкасл» — «Брентфорд», 20:00
«Норвич» — «Саутҳэмптон», 20:00
«Уотфорд» — «Манчестер Юнайтед», 20:00
«Вулверҳэмптон» — «Вест Ҳэм», 20:00
21 ноябрь, якшанба
«Манчестер Сити» — «Эвертон», 19:00
«Тоттенҳэм» — «Лидс», 21:30
Ла Лига. Хавининг «Барселона»даги дебют ўйини Каталония дербисига тўғри келди, «Реал» «Гранада» меҳмони бўлади
«Барселона» — «Эспаньол», 20 ноябрь, 01:00
Каталония дербиси Хави учун «Барселона» бош мураббийлигидаги илк ўйин бўлади. Испаниялик мутахассис Дани Алвесни ҳам ортга қайтарди. Лекин бразилиялик ҳимоячи январь ойидан майдонга тушиш ҳуқуқига эга бўлади.
«Барселона» октябрь ойида Ла Лигада «Реал» (1:2) ва «Райо Вальекано»га (0:1) имкониятни бой берди ҳамда «Алавес» (1:1) билан дуранг натижа қайд этди. Чемпионлар Лигасида эса Киевнинг «Динамо»сини 1:0 ҳисобида таслим этди. Сўнгги турда «Сельта» билан 3:3 ҳисобида дуранг ўйнади. Ортда қолган 12 турдан сўнг каталонлар 17 очко билан 9-ўриндан жой олган.
Висенте Морено шогирдлари мавсумни нисбатан барқарор бошлади: «Эспаньол» Ла Лигадаги дастлабки 6 турнинг 5 тасида мағлубиятсиз серия қайд этди (3 та ғалаба, 2 та дуранг). Октябрь ойининг сўнгида эса «Элче» (2:2) ва «Атлетик» (1:1) билан дуранг ўйнади. Охирги ўйинларда эса «Хетафе»га 1:2 ҳисобида имкониятни бой берди, «Гранада»ни 2:0 ҳисобида таслим этди. «Эспаньол» Ла Лигада 17 очко билан 11-ўриндан жой олган.
Қолган учрашувлар:
19 ноябрь, жума
«Леванте» — «Атлетик», 01:00
20 ноябрь, шанба
«Сельта» — «Вильярреал», 18:00
«Севилья» — «Депортиво», 20:15
«Атлетико» — «Осасуна», 22:30
21 ноябрь, якшанба
«Хетафе» — «Кадис», 18:00
«Гранада» — «Реал», 20:15
«Элче» — «Бетис», 22:30
«Реал Сосьедад» — «Валенсия», 01:00
22 ноябрь, душанба
«Райо Вальекано» — «Мальорка», 01:00
А Серия. Элдор Шомуродов Шевченко қўл остига ўтган собиқ жамоасига қарши, «Интер» етакчини қабул қилади, «Ювентус» эса Римда меҳмон
«Интер» — «Наполи», 21 ноябрь, 22:00
«Нераззурилар» мусобақа жадвалида 25 очко билан 3-ўринни эгаллаб турибди. Миланликлар 1-ўриндан 7 очко ортда қолмоқда. «Интер» ўз майдонида 5 ўйинда 11 очко жамғаришга муваффақ бўлган.
Габриэль Бразао ва Кристиан Эриксеннинг ушбу учрашувда майдонга тушмаслиги аниқ. Эдин Жеко, Алессандро Бастони, Стефан де Врей ва Артуро Видалнинг эса ўйнаши сўроқ остида.
«Наполи» мусобақа етакчиларидан бири. Неаполликлар «Милан» билан бир хил 32 очко жамғариб 1 ва 2-ўринларни бўлишиб олган. Лучано Спалетти шогирдлари мавсум бошидан буён мағлубият нималигини билмай келяпти. «Наполи» меҳмондаги учрашувларда 16 очко жамғарган. Бу мусобақадаги энг яхши натижа.
Костас Манолас ва Кевин Малкюи «Интер»га қарши учрашувда майдонга туша олмайди. Неаполликлар учун бу жиддий йўқотиш эмас.
«Женоа» — «Рома», 21 ноябрь, 00:45
Андрей Шевченко «Женоа» бош мураббийлигидаги илк ўйинини Жозе Моуриньонинг «Рома»сига қарши ўтказади. Генуяликлар мавсумдаги охирги ғалабасини 12 сентябрь куни «Кальяри»га қарши ўйинда (3:2) қўлга киритган эди. Шундан буён кетма-кет 9 ўйинда ғалаба нималигини билмай келмоқда. Раҳбарият украиналик собиқ футболчи Андрей Шевченкони жамоага олиб келди. Шевченконинг олдида «Женоа»ни қуйи лигага тушиб кетишдан сақлаш вазифаси турибди. «Женоа» 12 турдан сўнг 9 очко билан 17-ўриндан жой олган.
Жозе Моуриньо шогирдлари эса 19 очко билан 6-ўринда бормоқда. «Рома»нинг ҳам ишлари охирги пайтлар кўнгилдагидек кечмаяпти. Римликлар охирги 3 та ўйиндан буён ғалаба қозона олмаяпти. Элдор Шомуродов ўтган турда голсиз сериясига барҳам берганди, бироқ унинг гол ва голли узатмаси римликларни мағлубиятдан қутқариб қола олмади.
Раҳбарият Жозе Моуриньога имконият бериш тарафдори. Португалиялик мутахассис Римликлар билан узоқ йиллик лойиҳани амалга ошириш ниятида. Бироқ сўнгги натижалардан кейин «Рома» мухлисларининг сабр косаси тўлиб бормоқда.
Қолган учрашувлар:
20 ноябрь, шанба
«Аталанта» — «Специя», 19:00
«Лацио» — «Ювентус», 22:00
«Фиорентина» — «Милан», 00:45
21 ноябрь, якшанба
«Сассуоло» — «Кальяри», 16:30
«Болонья» — «Венеция», 19:00
«Салернитана» — «Сампдория», 19:00
22 ноябрь, душанба
«Верона» — «Эмполи», 22:30
«Торино» — «Удинезе», 00:45
Бундеслига. «Бавария» «Аугсбург» меҳмони бўлади, «Боруссия Д» эса «Штутгарт»га қарши баҳс олиб боради
«Аугсбург» — «Бавария», 19 ноябрь, 00:30
«Аугсбург» Бундеслигада 16-ўринда бормоқда. 11 турдан сўнг жамоа ҳисобида 9 очко мавжуд. 10-турда «Аугсбург» 4 ўйинлик ғалабасиз сериясига якун ясади (3 та мағлубият ва битта дуранг): ўз уйида «Штутгарт»ни 4:1 ҳисобида енгди. Сўнгги турда эса меҳмонда «Вольфсбург»га 0:1 ҳисобида мағлуб бўлди. Бу «Аугсбург»нинг меҳмондаги илк мағлубияти эди.
Бундеслигада Юлиан Нагелсманн шогирдларининг ишлари ёмон кетмаяпти: мюнхенликлар 28 очко билан мусобақа етакчиси бўлиб турибди. Иккинчи ўриндаги «Боруссия Д»дан 4 очко олдинда.
«Бавария» Германия Кубогида «Боруссия М»га учралган 0:5 ҳисобидаги мағлубият аламини «Унион Берлин»дан (5:2) олди. Аввалги турда мюнхенликлар «Фрайбург» устидан 2:1 ҳисобида ғалаба қозонди. Чемпионлар Лигасида эса «Бавария» 12 очко жамғариб, E гуруҳи етакчиси бўлиб турибди.
Қолган учрашувлар:
20 ноябрь, шанба
«Арминия» — «Вольфсбург», 19:30
«Ҳоффенҳайм» — «Лейпциг», 19:30
«Боруссия М» — «Гройтер», 19:30
«Байер» — «Бохум», 19:30
«Боруссия Д» — «Штутгарт», 19:30
«Унион Берлин» — «Ҳерта», 22:30
21 ноябрь, якшанба
«Фрайбург» — «Айнтрахт», 19:30
«Майнц» — «Кёльн», 21:30
Лига 1. «Лион» ва «Марсель» ўртасидаги классик тўқнашув, «ПСЖ» ўн очколик фарқни сақлаб қоладими?
«ПСЖ» — «Нант», 20 ноябрь, 21:00
Парижликлар ўн очколик фарқ билан Лига 1 да етакчилик қилмоқда. «ПСЖ» 13 турдан сўнг 34 очко жамғарган бўлса, иккинчи ўриндаги «Ленс» 24 очко тўплаган. Почеттино жамоаси мавсумни жуда яхши бошлади: кетма-кет 8 турда ғалаба қозонди. Ҳозирда Франция чемпионатида интрига озроқ йўқолган.
«Нант» 18 очко билан 10-ўриндан жой олган. «Канарейкалар» мусобақада 5 та ғалаба, 5 та мағлубият ва 3 та дуранг натижа қайд этган. «Нант» Франция чемпионатида меҳмондаги 6 ўйиннинг фақат биттасида ғалаба қозонишни уддалаган.
Қолган учрашувлар:
19 ноябрь, жума
«Монако» — «Лилл», 01:00
20 ноябрь, шанба
«Реймс» — «Монпелье», 01:00
21 ноябрь, якшанба
«Брест» — «Ленс», 17:00
«Анжер» — «Лорян», 19:00
«Мец» — «Бордо», 19:00
«Страсбур» — «Реймс», 19:00
«Труа» — «Сент-Этен», 19:00
«Клермон» — «Ницца», 21:00
«Лион» — «Марсель», 00:45
Изоҳ (0)