Футбол бўйича Италия чемпионати 28-тури доирасидаги “Эмполи” — “Рома” баҳси бўлиб ўтди. Ўйиннинг 1-дақиқасида Матиас Суле томонидан киритилган гол римликларга 3 очко тақдим этди.
Sofascore талқини бўйича учрашувнинг энг яхши футболчиси сифатида гол муаллифи Матиас Суле қайд этилди — 8.1.
Баҳсни асосий таркибда бошлаган Элдор Шомуродов 72 дақиқа ўйнади. Унинг майдондаги ҳаракатлари Sofascore томонидан 6.5 балл билан баҳоланди. Бу вақт давомида Шомуродов 46 марта тўпга тегинди. 33 марта шерикларига пас узатиб, ундан 29 мартаси аниқ манзилга етиб борди — 88 фоиз. Футболчи 3 марта калит узатма амалга оширди. У майдонда 4 марта тўп учун кураш олиб борган, лекин ҳеч қайсида ғалаба қозонмади. Элдор ҳаводаги 3 та курашнинг 2 мартасида ютиб чиқди.
Ягона голга ҳаммуаллифлик қилган Анас Салаҳ “Рома” сафида энг ёмон баҳоланган футболчи бўлди — 6.4.
“Эмполи” сафида энг яхши футболчи дарвозабон Марко Силвестри бўлди. У 90 дақиқа давомида дарвозасидан 1 гол олиб чиққан бўлса-да, 5 та сейв амалга оширди ва Sofascore томонидан 7.3 баллга лойиқ кўрилди. Мезбонлар сафидаги энг ёмон ҳаракат қилган футболчи эса Лорензо Коломбо бўлди. 45 дақиқа ўйнаган футболчи 5.8 балл билан баҳоланди.
Маълумот учун, ушбу ғалабадан кейин Рим клуби ҳисобидаги очколар сони 46 та бўлди ва турнир жадвалида 7-ўринни эгаллаб турибди.
Изоҳ (0)