Саудиянинг “Ал-Иттиҳод” жамоаси мураббийлик постига машҳур мутахассисни жалб этмоқчи.
Maisfutebol хабарига кўра, Саудия клуби Жозе Моуриньо ва Массимилиано Аллегри вариантларини кўриб чиқмоқда. Ушбу мутахассислардан бири жамоани бошқариш эҳтимоли катта.
Португалиялик мураббий номзодини жамоа спорт директори Рамон Планес илгари сурмоқда.
Қайд этилишича, Марсело Галярда жамоа мураббийлигидан озод этилган, бироқ ҳали керакли ҳужжатлар имзоланмаган.
Эслатиб ўтамиз, Жозе Моуриньонинг сўнгги клуби “Рома” бўлиб, у 2024 йилнинг январида уни тарк этган. Жозе Италия клубини 2021 йилда қабул қилиб олган эди.
Аллегри эса яқинда “Ювентус”дан истеъфога чиқарилди. Мураббий 2021 йилдан буён “Ювентус”ни бошқариб келган ва бу вақт мобайнида жамоа Италия Кубогида ғалаба қозонган.
Изоҳ (0)