АҚШ президенти Дональд Трамп маъмурияти NASА ва мамлакат учун илм-фаннинг қадрига етмаяпти. Бу ҳақда Вакиллар палатасининг Демократик партиясидан фан қўмитаси аъзоси Жорж Уайтсайдс ма`лум қилди.
Таъкидланишича, парламентар Трамп маъмуриятининг 2026-молиявий йил учун NASА бюджетини қарийб 25 фоизга қисқартиришни режалаштираётганини фожиали, деб баҳолаган. Бу агентликнинг илмий дастурларини молиялаштиришни икки баробар камайтириш дегани.
“Маъмурият фан ва технологияларнинг иқтисодиётимиз ҳамда жаҳондаги етакчилигимиз учун аҳамиятини англамаётганга ўхшайди”, деди Уайтсайдс.
Демократ АҚШ етакчиликни сақлаб қолишни истаган Ер ҳақидаги фанларда мултиспектрал тасвирлардан фойдаланишни фаол ривожлантираётган Хитойни мисол қилиб келтирди.
“Хитойликлар космосга сўзма-сўз ўнлаб шундай қурилмаларни учирмоқда. Биз учун мултиспектрал тасвирлар соҳасидаги етакчиликдан воз кечиш нафақат атмосфера фани билан боғлиқ масала, балки бутун дунё бўйлаб, бутун мамлакатимиз бўйича ушбу асрнинг келажак иқтисодиёти учун курашда ҳал қилувчи аҳамиятга эга бўлган асосий фойдали қазилмаларни топиш имкониятимизни чеклаш, чегаралашдир”, деб таъкидлади демократ.
Уайтсайдс Артемис ой дастурини молиялаштиришни давом эттиришни қўллаб-қувватлади ва Трампнинг тадбиркор Жаред Айзекман номзодини NASА раҳбари лавозимига кўрсатишдан воз кечиш қароридан ҳайратга тушганини айтган.
Илгари Жаред Айзекман Дональд Трампнинг бу қарорини айрим шахсларнинг ғаразли манфаатлари ва тадбиркор Илон Маск билан алоқаси билан изоҳлаган эди.
Изоҳ (0)