Францияда бўлиб ўтаётган Париж авиашоусида 17 июнь куни дунёдаги энг яхши авиакомпаниялар рўйхати эълон қилинди. Унга кўра, Қатар байроқдори Skytrax авиакомпанияси World Аirlane Awards мукофотининг бу йилги ғолиби деб эълон қилинди. Бу ҳақда CNN хабар берди.
Qatar Airways World Airlane Awards мукофотининг 26 йиллик тарихида тўққизинчи марта ушбу шарафга сазовор бўлди. Мукофот авиация оламининг “Оскар”и деб номланади.
“Бу эътироф мукофотдан кўра кўпроқ. Бу бизнинг авиакомпания сифатида кимлигимизни белгилайдиган иштиёқ, аниқлик ва мақсадни нишонлашдир. Юқори рақобатбардош ва доимий ривожланаётган глобал саноатда ушбу унвонни сақлаб қолиш бизнеснинг ҳар бир қисмида, фронтдан тортиб саҳна ортигача бўлган тинимсиз саъй-ҳаракатларни акс эттиради”, деди Qatar Airways Group бош директори Бадр Муҳаммад ал-Мир.
Қатар, шунингдек, Яқин Шарқдаги энг яхши авиакомпания, дунёдаги энг яхши бизнес-класс ва энг яхши бизнес-класс самолёт зали эгаси деб топилган. 1993 йилда ташкил этилган ушбу авиакомпания май ойида Boeingʼдан 210 тагача самолёт, жумладан, 130 та Dreamliner ва 30 та 777-9 самолётларини сотиб олаётганини эълон қилганди.
“Ушбу мукофотлар бизнинг нафақат етакчилик қилиш, балки авиацияда ажойиб хизмат кўрсатиш амбициямизни яна бир бор тасдиқлайди. Ерда ёки ҳавода бўлсин, йўловчиларимизнинг эҳтиёжларини ҳисобга олган ҳолда, сифат, қулайлик ва инновацияларнинг энг юқори стандартларини акс эттирувчи узлуксиз, юқори даражадаги саёҳатни тақдим этишга интиламиз”, дея қўшимча қилди Ал-Мир.
“Дунёнинг энг яхши авиакомпанияси” номинациясининг беш карра ғолиби бўлган Singapore Airlines авиакомпанияси бу йил иккинчи ўринни эгаллади. Шунингдек, у дунёнинг энг яхши экипаж аъзоси, дунёнинг биринчи тоифадаги энг яхши авиакомпанияси ва Осиёдаги энг яхши авиакомпания мукофотини қўлга киритди.
Учинчи ўринни Гонконгнинг Cаthay Pacific авиаташувчиси, тўртинчи ўринни Дубайнинг Emirates авиакомпанияси, бешинчи ўринни Япониянинг АNА All Nippon Airways авиакомпанияси эгаллади.
Turkish Airlines олтинчи ўринни эгаллаган бўлса, еттинчи ўрин Жанубий Кореянинг Korean Air авиакомпаниясига тегди. Франциянинг Аir France авиакомпанияси эса саккизинчи ўринга номзод бўлди.
Japan Airlines тўққизинчи ўринни эгаллаган бўлса, Хитойнинг Hainan Airlines авиакомпанияси кучли ўнталикни якунлаб берди.
1999 йилда бошланган мустақил ва холис мукофот учун 22,3 миллионга яқин мижозлар ўртасида ўтказилган сўровлар натижасида овозлар тўпланган. 2025 йил 325 дан ортиқ авиакомпания иштирок этган. Париж ҳаво кўргазмаси марказида жойлашган Ле Бурже аэропортининг реставрация қилинган Арт-Деко терминалида бўлиб ўтган тантанали тадбирда бутун дунё бўйлаб авиакомпанияларнинг 500 га яқин вакиллари, жумладан, президентлар, бош директорлар ва авиакомпания экипажи иштирок этган.
Қуйида 2025 йилда дунёдаги энг яхши 20 та авиакомпания келтирилган:
- Qatar Airways
- Singaporе Airlines
- Cаthay Pasific
- Emirates
- АNА All Nippon Airways
- Turkish Airlines
- Korean Air
- Air France
- Japan Airlines
- Hainan Airlines
- Intʼl Airlines
- EVА Аir
- British Airways
- Qantas Airways
- Lufthansa
- Virgin Atlantic
- Saudi Arabian Airlines
- STARLUX Airlines
- Air Canada
- Iberiya
Дунёдаги энг яхши экипаж-2025:
- Singapore Airlines
- АNА All Nippon Airways
- Cаthay Pacific Airways
- Garuda
- EVА Air
- Hainan Airlines
- Japan Airlines
- Malayziya Airlines
- Starlux Airlines
- Korean Air
Изоҳ (0)