Turkish Airlines авиакомпанияси самолёт қўнганидан кейин ўзини тутиш қоидаларини бузган йўловчиларни жаримага тортишни бошлайди. Туркия фуқаро авиацияси бош бошқармаси янги қоидаларни тасдиқлади.
Эндиликда самолёт тўлиқ тўхтагунча ва “Белбоғни ўтказинг” таблоси ўчирилмагунча ўрнидан турган ёки тепадаги юкларини оладиган ҳар бир киши жаримага тортилади. Борткузатувчиларнинг кўрсатмаларини эътиборсиз қолдириш ҳам жаримга сабаб бўлади.
Жарималар миқдори ҳозирча эълон қилинмаган, аммо авиакомпания қонун бўйича қатъий ҳаракат қилишга ваъда бермоқда. Стюардларга қўнишдан кейин қўшимча эълон бериш топширилган. Улар йўловчиларга қоидаларни эслатади ва қоидабузарларни қайд этади. Авиакомпания вакиллари мазкур чоралар хавфсизлик учун кўрилаётганини айтмоқда.
Самолётни бошқариш пайтида кескин ҳаракатлар, шунингдек, эрта очилган жавонлар туфайли юкларнинг тушиб кетиши бир неча бор жароҳатларга олиб келган. Биз бу хатарларни минималлаштириш ниятидамиз, дейилади компания хабарида.
Изоҳ (0)