Уммон Султонлигининг Оman Air авиакомпаниясига Ўзбекистонга мунтазам авиақатновларни амалга ошириш учун рухсатнома берилди, деб хабар бермоқда “Ўзавиация” агентлиги.
Маълум қилинишича, Ўзбекистон ва Уммон Султонлиги ўртасида ҳаво қатнови тўғрисидаги ҳукуматлараро битимга асосан 2 апрель куни ушбу авиакомпанияга Маскат—Тошкент—Маскат йўналишида мунтазам авиақатновларини амалга ошириш учун фойдаланиш рухсатномаси расмийлаштириб берилди.
Парвозлар Boeing-737 самолётларида амалга оширилади.
2023 йилнинг апрелида Uzbekistan Airports раҳбарияти Oman Air авиакомпанияси вице-президенти билан музокараларда Маскат ва Ўзбекистон шаҳарлари ўртасида икки томонлама авиақатновларни йўлга қўйиш масалалари муҳокама қилинганди.
Оman Air — бош қароргоҳи Маскатда жойлашган Уммоннинг асосий авиаташувчиси. Авиакомпания мунтазам ички ва халқаро йўловчи рейсларини, шунингдек, чартер рейсларни амалга оширади.
Ўзбекистон фуқаролари Уммонда 14 кун давомида визасиз бўлиб туриши мумкин. Ушбу тартиб 2024 йилда жорий қилинган.
Изоҳ (0)