АҚШнинг Денвер аэропортида самолёт ёниб кетди. Бу ҳақда Fox News телеканали хабар қилмоқда.
Телеканал маълумотларига кўра, йўловчилар самолёт қаноти орқали эвакуация қилинган. Жабрланганлар ва ёнғин сабаблари ҳақида ҳозирча маълумот берилмаган.
Денвер халқаро аэропорти ўз навбатида рейснинг барча йўловчилари эвакуация қилинганини, ҳеч ким жабрланмаганини маълум қилди.
172 нафар йўловчи ва олти нафар экипаж аъзоси қўнди ва терминалга йўл олди. Биз экипаж аъзоларимиз, DEN жамоаси ва қутқарувчиларимизга тезкор ва қатъий ҳаракатлари учун миннатдорчилик билдирамиз, чунки бортдаги ва ердаги барчанинг хавфсизлиги устувор аҳамиятга эга, дейилади авиакомпания хабарида.
Шот Telegram канали маълумотларига кўра, ёниб кетган самолёт American Airlines авиакомпаниясига тегишли Boeing 737-800 бўлган. У Колорадо Спрингсдан учиб келган ва тўғридан тўғри учиш-қўниш йўлагида аланга олган. Дастлабки маълумотларга кўра, лайнернинг ёнилғи баки ёниб кетган.
Аввалроқ Фарғона халқаро аэропортида Новосибирскдан S7-5561 рейси билан учган S7 Airlines авиакомпаниясининг Boeing 737-800 самолёти ғилдираги чиқиб кетиши оқибатида учиш-қўниш йўлагида қолиб кетгани хабар қилинганди.
Судан армиясига тегишли самолёт 25 февраль куни Омдурман шаҳри шимолидаги аҳоли яшайдиган ҳудудда ҳалокатга учраганди. 19 февраль куни эса АҚШнинг Аризона штати осмонида кичик самолётлар тўқнашиши натижасида икки киши ҳалок бўлганди.
Изоҳ (0)