Хитойда шифокорлар аёлнинг нонуштани ўтказиб юбориши ва кўп йиллар давомида кечаси енгил овқатланиши натижасида ундан деярли 100 та ўт пуфаги тошини олиб ташлашди, деб хабар берди World of Buzz.
Таъкидланишича, бундай миқдордаги тошлар кўп йиллар давомида нотўғри овқатланиш натижасида ҳосил бўлган. Аёл нонуштани ўтказиб юборган, тушликка уйғонган ва кечқурун дугоналари билан зиёфатларда қатнашган.
Бунинг оқибатида ўт пуфаги фаолияти бузилган ва ўт суюқлиги тўпланиб қолиб, сўнгра фаол равишда ташқарига чиқарилган. Шифокорларнинг таъкидлашича, ўт суюқлиги димланишининг асосий сабабларидан бири нонуштадан воз кечишдир, кечки енгил овқатланиш эса овқат ҳазм қилишда юкни кучайтиради. Аёлнинг ҳолатида, бундай турмуш тарзи кўплаб холестерин кристалларининг ҳосил бўлишига олиб келди ва улар тошларга айланди. Уларнинг сони 95 та эди. Операцияни ўтказган бош жарроҳнинг таъкидлашича, беморнинг аҳволи ўткир панкреатит ривожланишига олиб келиши мумкин эди, бу эса ҳаёт учун хавф туғдиради. Шундан сўнг унга овқатланишини қайта кўриб чиқиш тавсия қилинди.
Изоҳ (0)