Испанияда олтита аъзо кўчириб ўтказилган болага уйга жавоб берилди, деб хабар беради Europa Press.
Барселонада яшовчи Виктор исмли бола ушбу операцияни уч йил кутган. Бу вақт мобайнида у бир суткада 18 соатлаб сунъий озиқлантириш аппаратига улаб қўйилган.
Болага ошқозон, жигар, ўн икки бармоқли ичак, ингичка ичакнинг бир қисми, тўғри ичак, ошқозон ости бези кўчириб ўтказилган.
Операция Мадриддаги Hospital La Paz клиникасида февраль ойининг охирида ўтказилган.
Боланинг онаси ҳомиладорликнинг 27 ҳафтасида чақалоқда гастрошизис касаллиги борлигидан хабар топган. Бу қорин олд деворининг касаллиги бўлиб, унда бошқа органлар ташқарига чиқиб туради.
Болага жарроҳлик амалиётидан сўнг икки ой ўтгач, уйга рухсат берилди. Ҳозирда у уйда қайта тикланиш жараёнини бошдан кечирмоқда.
Изоҳ (0)