Дунёни коронавируснинг энг янги штамми бўлган COVID-19 жунбушга келтирмоқда. Ушбу вирус ва унга қарши курашиш рақамли дунёнинг биринчи пандемияси сифатида тарихга кирса ажабмас. Гарчи мазкур штамм, аввалги SARS ва MERS штаммларига қараганда камроқ ўлим ҳолатига олиб келаётган бўлса-да, у анчагина юқумли бўлиб чиқди.
Пандемия шароитида АКТ технологиялари вирус тарқалишининг олдини олиш ва назорат қилишда ҳар қачонгидан-да самаралироқ ёрдам бермоқда. Хитой тажрибаси мисолида айтадиган бўлсак, АКТ технологиялари вирусни жиловлаш ва уни аниқлаш самарадорлигини оширишда муҳим рол ўйнамоқда. Мобил иловалар ва тармоқ алоқалари юз миллионлаб хитойликларнинг уйларига озиқ-овқат маҳсулотларининг етказиб берилишини таъминлади. Вирусга қарши курашиш йўлида саломатлик ҳолатини кузатиш, ҳисоботни шакллантириш ва маслаҳатлар олиш жараёни жадаллик билан рақамлаштирилмоқда.
Huawei компанияси АКТ вазирлиги қувватлови билан Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги билан ҳамкорликда мамлакатимизда коронавирус тарқалишини бартараф этиш мақсадида АКТ технологияларини татбиқ этиш масалаларини муҳокама этиш учун қатор учрашувлар ўтказди. Келишувлар асосида Huawei компанияси томонидан беғараз ёрдам сифатида иккита тепловизор камера тақдим этилиб, улар айни пайтда Тошкент халқаро аэропортининг учиб келиш залида ўрнатилди. Шу билан бирга, агентлик қошидаги штаб билан тезкор алоқани йўлга қўйиш учун транк мулоқотга хизмат қилувчи рациялар ва «бодикамералар» тақдим этилиб, улар мутахассисларнинг жойдаги ҳаракатини жадаллаштиришга ва вирус тарқалиши мумкин бўлган эҳтимолий ўчоқларда вазиятни назорат қилишга имконият беради. Истиқболда тажриба алмашинуви ва мамлакатда коронавирус тарқалишини бартараф этишга оид самарадор ечимни излаш йўлида Хитойнинг етакчи клиникалари билан масофадан боғланишга ёрдам берадиган видео-конференция тизимларини топшириш ва ўрнатиш режаланмоқда.
«Huawei компанияси пандемия шароитида соғлиқни сақлаш соҳасига фаол кўмак беришга интилади, Хитой тажрибаси мисолида биз АКТ технологиялари миллионлаб инсонларга алоқада қолишга, озиқ-овқат буюртиришга, онлайн маслаҳатлар олишга ва тўпланган ахборотларни таҳлил қилишга қай даражада ёрдам берганининг гувоҳи бўляпмиз. Биз шифокорлар ва тиббиёт ходимларининг қаҳрамонлиги ва жасоратини тўлиқ эътироф этган ҳолда, айнан АКТ технологиялари оғир меҳнатни енгиллаштиришда, узлуксиз ахборот алмашинувини таъминлашда ва вазиятни тезда назорат остига олишда муҳим ўрин тутишини айтмоқчимиз», — деб таъкилади Huawei компаниясининг Ўзбекистондаги директори жаноб Лю Цзяцинь.
Бош санитария шифокори Баҳром Алматовнинг сўзларига кўра, Huawei компаниясининг айни чоғда узатган ёрдам қўли бундай вазиятда айни муддао бўлди.
«Бизнинг агентлигимиз мисолида бутун Ўзбекистон халқига кўрсатаётган кўмаги учун Huawei компаниясига миннатдорлик билдирамиз. Иккита тепловизор камера Тошкент шаҳридаги аэропортда ўрнатилиб созланди. Шунингдек, бизнинг хитойлик ҳамкасбларимиз кўмагида иккита видео-конференция тизимини ҳам қабул қилиб олдик, тез орада Ўзбекистонда коронавируснинг тарқалишига доир масалаларни яна-да самарали ҳал қилиш мақсадида хитойлик клиникалар билан масофавий алоқани йўлга қўйишни режалаштиряпмиз», — деди Алматов.
Huawei компаниясининг ечимлари ва технологиялари Хитойдаги мураккаб вазиятда ҳам инсонларга ёрдам берди, шу жумладан, Ухань шаҳрида ҳам. Шу йўсин, уч кун ичида янги шифохонада 5G тармоқни ишга туширишга оид лойиҳа амалга оширилиб у Ухань аҳолисини жадал тартибда қўллаб-қувватлаш учун йўлга қўйилди. Huawei Cloud ускунаси базасида бошланғич ва ўрта-таълим мактаблари, ўқув марказлари ва олий ўқув даргоҳлари учун онлайн таълим хизматлари тақдим этилмоқда. Интеллектуал
Huawei Cloud WеLink иш платформаси эса кўплаб компания ва ташкилотлар ходимларининг масофадан ишлашига шароит яратиш учун бир қатор функцияларни таклиф этмоқда.
Реклама ҳуқуқи асосида.
Изоҳ (0)