Номаълум касаллик туфайли хитойлик аёлнинг қорни ҳайратланарли даражада шишиб кетди. Касалликнинг сабаби ҳанузгача топилмаган. Бу ҳақда «Korrespondent.net» хабар берди.
Хитойнинг Гуйжоу провинциясида яшовчи 36 ёшли Хуан Госяннинг қорни икки йил аввал катталаша бошлаган. Ҳозирда аёл қорнининг оғирлиги 20 килограммни ташкил қилади ва у шишишда давом этяпти.
Бемор турли хил шифокорлар кўригидан ўтган. Аниқланишича, унда жигар сиррози, тухумдон саратони, қорин ва кўкрак қисмида ғайритабиий суюқлик йиғилиши кузатилган. Лекин қориннинг нима сабабдан катталашиб бораётгани аниқланмаган.
Шифокорлар томонидан қориндаги суюқлик жарроҳлик йўли билан олиб ташланди, аммо шундан сўнг қорин шишишни бошлаган.
Бемор аёл фарзандларига гаъмхўрлик қилишда, юришда ва ухлашда қийинчиликларни бошидан ўтказяпти. У ўзининг аҳволи ҳақида ОАВга маълумот берган ва даволаниш учун зарур бўлган маблағ йиғилишидан умидвор.
Маҳаллий шифохона Госянни даволашга тайёр, аммо бунинг учун камида 4300 доллар маблағ керак.