Фуцзянь провинциясида яшовчи 35 ёшли эркак кучли йўтал хуружи чоғида сон суяги — инсон танасидаги энг бақувват суяклардан бирини синдириб олди. Бу ҳақда “Правила Жизни” нашри хабар берди.
Фуцзянь марказий касалхонасининг ортопедия бўлими бошлиғи Дун Чжунанинг сўзларига кўра, сон суягининг синиши одатда жиддий жароҳатлар натижасида юзага келади.
Бемор шифокорларга узоқ давом этган қаттиқ йўталдан сўнг оёқ томонда кучли оғриқни ҳис қилганини айтди. Қаттиқ оғриқ сабаби одатий титроқ деб ўйлагани учун эркак шифокорларга дарҳол мурожаат қилмади. Қадам ташлаш қийинлашиб боргачгина у тиббий кўрикдан ўтишга қарор қилди.
Гарчи шикастланиш аломатлари бўлмаса-да, рентгенограмма натижалари эркакда сон суягининг синганлиги кўрсатди. Тўлиқ текширувдан сўнг аниқланишича, у доимий тарзда ширин ва газланган ичимликлар истеъмол қилган. Бундай ичимликларга қарамлик туфайли беморнинг суяклари ниҳоятда мўртлашиб кетган. Маълум бўлишича, эркак ҳатто оддий сув ўрнига ҳам ширин газланган ичимликлар истеъмол қилган.
Бундай ичимликлар таркибида фосфор кислотаси мавжуд бўлиб, у одатий озиқ-овқатларда мавжуд бўлган калций билан истеъмол қилинганда калций фосфатини ҳосил қилади. Ушбу модда суяк зичлиги ва мустаҳкамлигига ҳалокатли даражада салбий таъсир кўрсатади. Эътиборлиси, сон суяги инсон таянч системасидаги энг қаттиқ ва бақувват суякдир.
Изоҳ (0)