Хитойлик шифокорлар 76 ёшли эркакнинг бошидаги пичоқни олиб ташлади. Эркак пичоқ билан 26 йил юрган

76 ёшли хитойлик фермер Дуори Дзи унга қилинган ҳужумдан кейин 26 йил бошидаги пичоқ билан юрган, деб ёзади Меtrо.

1990 йилнинг охирида фермерга ҳужум қилинган. Ўшанда унинг бошида ўн сантиметрлик пичоқ қолиб кетган.

2012 йилда эркак сурункали бош оғриғидан шикоят қилиб, касалхонага мурожаат қилган. Ўшанда шифокорлар пичоқни қолдиришга қарор қилган. Чунки уни олиб ташлаш эркакнинг ҳаёти учун хавфли бўлиши мумкин эди.

Вақт ўтган сари эркакнинг аҳволи ёмонлашган. Унинг ўнг кўзи кўрмай қолган, ўнг қўли ва оёғи эса фалаж бўлиб қолган. Яқинда бошқа провинциядан келган тажрибали шифокорлар эркак яшайдиган ҳудудда тиббий кўрик ўтказган ва у билан қизиқиб қолган.

Компьютер томографияси ва рентген пичоқ эркакнинг кўриш нервига зарар етказганини кўрсатган.

Клиника бош шифокори Лю Гуанцунь пичоқни олиб ташлаш ягона чора, деган қарорга келган. Шу тарзда эркак икки операцияни бошдан кечирган.

Ҳозирда унинг аҳволи яхши ва мустақил ҳаракатланмоқда. Бош оғриғи ўтиб кетган ва кўриш қобилияти қайта тикланган. «Мен кула олмасдим, эснай олмасдим, ҳатто йўтала олмасдим. Шифокорлар менга иккинчи имкониятни берди ҳамда 20 йил давом этган даҳшат барҳам топди», — дейди Дуори Дзи.