Lego компанияси “Тўқсонинчи йилларга қайтиш” номли танлов натижаларини эълон қилди. Ушбу дастур доирасида мухлислар конструктор асосида яратилган энг яхши ғоялар учун овоз беришди. Иштирокчилар икки тоифада лойиҳалар тақдим этишган: йирик (1 000 дан 5 000 гача детал) ва ихчам (200 дан 1 000 гача детал).
Йирик тоифадаги ғолиб — WеtWired тахаллусли фойдаланувчи томонидан яратилган “Махфий ҳужжатлар” (“The Х-Files”) сериали асосидаги конструкторлик тўплами бўлди. Унда Скалли ва Малдернинг офиси, ўрмондаги номаълум учувчи объект саҳнаси ва машҳур “Мен ишонишни истайман” (“I wаnt to believe”) ёзуви туширилган плакат акс этган.
Шунингдек, тўпламда сериалдаги турли деталларга ишоралар берилган ва машҳур қаҳрамонлар — Скалли, Малдер, ўзга сайёралик, Жерси ҳамда бошқа қаҳрамонлар шакли ҳам тақдим этилган.
Ихчам тоифадаги лего танловида эса Пиделиум тахаллусли фойдаланувчи ғолиб бўлди. У “Уоллес ва Громит” анимацион фильмидан олинган саҳнани тақдим этди. Ўша кадрда бош қаҳрамонлар аравачали мототциклда катта тезликда ҳаракатланган эди.
Эндиликда ҳар иккала лойиҳа Lego дизайнерлари томонидан ишлаб чиқиш босқичига ўтказилади. Улар конструкцияларни компания стандартларига мослаштириб, улгуржи ишлаб чиқаришга тайёрлашади. Янги тўпламлар қачон савдога қўйилиши ҳозирча номаълум.
Изоҳ (0)