Рақобат қўмитаси Beeline’га ойлик ва кунлик абонент тўлови ечиш шартларини қайта кўриб чиқиш бўйича кўрсатма берганди. Қўмита матбуот хизмати ушбу кўрсатма бажарилганини маълум қилди.
Ушбу мобил операторидан фойдаланувчилар томонидан ойлик абонент тўловини тўлаш учун ҳисобда етарли маблағ бўлмаганда, абонентларнинг розилигисиз автоматик тарзда кунлик тариф режасига уланиши, кунлик тўлов ечиб олинганидан сўнг трафикдан фойдаланиш имконияти берилмаётганидан шикоят қилинганди.
Рақобат қўмитаси истеъмолчиларнинг ҳуқуқларини ҳимоя қилиш мақсадида ойлик абонент тўлови ечиш вақтида маблағ етарли бўлмаса, кунлик абонент тўлови автоматик тарзда ечиб олинишини бекор қилиш, абонентга кунлик хизматдан фойдаланишни ихтиёрий равишда танлаш имкониятини бериш бўйича Unitel МЧЖга кўрсатма хати юборганди.
Эндиликда компания томонидан “кунлик абонент тўлови режимига ўтиш” хизматини бошқариш имконияти жорий этилди. Ушбу хизмат мавжуд тариф режаларига уланган абонентларга SMS хабарнома юборилиб, хизматни бошқариш усуллари тушунтирилди.
Изоҳ (0)