Ҳар сафар “тўй”да сохта руҳонийлар ва келиннинг қалбаки ота-онаси иштирок этди. Ҳиндистоннинг Праяграж шаҳрида полиция ёлғиз эркакларни алдаб, уларнинг жамғармаларини ўғирлаган жиноий гуруҳни қўлга олди. Бу ҳақда Live9News хабар бермоқда.
Жиноятчилар пухта ишлаб чиқилган режага кўра ҳаракат қилишди: сохта “келин” бўйдоқ эркаклар билан танишиб, уларни турли йўллар билан никоҳга кўндирарди. Иш маросимга етганда, жиноятчилар сохта руҳонийлар ва келиннинг қалбаки ота-онасини таклиф қилишарди.
Тантанали маросимдан сўнг тез орада, “келин” тақинчоқларни олиб қочиб кетаган. Баъзан жиноятчи аёл қайнона-қайнотасининг уйида икки-уч кунгача қолишига тўғри келарди. Агар уйдан чиқиш қийин бўлса, сохта ота-оналар келиб, яна бир маросим ўтказиш баҳонасида келинни олиб кетишарди. Ушбу усул билан тўда уч йил давомида ишлади ва шу вақт ичида 20 та сохта тўй уюштирди.
Бундан олдин, Хитойлик фирибгар аёл 36 нафар эркакни уй сотиб олишга кўндиргани маълум бўлган эди. Эркакларнинг барчаси ўзларини қиз билан романтик муносабатда эканликларини ўйлашарди. Бироқ битимлар расмийлаштирилгандан сўнг, фирибгар аёл изсиз ғойиб бўлган эди.
Изоҳ (0)