Lego компанияси Hogwarts Icons — Collectors’ Edition номли конструкторини тақдим этди, деб хабар беради Esquire.
Жамланма сеҳргар болакай ҳақидаги «Гарри Поттер ва ҳикматлар тоши» фильми катта экранларга чиққанининг 20 йиллиги муносабати билан яратилган.
Жамланмадан Гарри Поттер оламидаги барчага таниш элементлар ўрин олган. Хусусан, Хогварцдан хат ташувчи Букля лақабли бойўғли, Гаррининг кўзойнаги ва таёқчаси, Роннинг қурбақаси, Том Реддлнинг кундалиги, тилла снитч ва бошқа буюмлар.
Шунингдек, жамланмада Гермионанинг беш хил дамламаси ва бутилкаларидаги ингредиентлари (жабра ўстирувчи, «Феликс Фелицис» ва ҳоказо) жойлашган патнис ҳам бор.
Шунингдек, Албус Дамблдор, Минерва МакГонагалл ва Рубеус Хагриднинг учта олтин ҳайкалчасини ҳам кўриш мумкин.
Хогварцдаги хатни фойдаланувчи ўзининг ёки маълум бир инсоннинг номига йўллаши мумкин.
Жамланма 3010 да деталдан иборат бўлиб, 2 сентябрь санасидан 250 доллар қийматида сотувга чиқади.
Аввалроқ Lego Marvel киноолами қаҳрамонларидан иборат ўйинчоқларни тақдим этгани тўғрисида хабар берилганди.
Мавзуга доир:
Изоҳ (0)