Lego конструкторлари дунёдаги энг машҳур ўйинчоқлардан биридир. Lego’ни болалар бир неча соат ўйнаши, турли ғояларни амалга ошириши мумкин, ушбу ўйинчоққа ҳатто катталар ҳам қизиқиш билдиради.
Lego мухлислари томонидан эса янги кашфиётлар қилиш давом этмоқда. Улардан бири Нордерс исмли фойдаланувчи конструктордан ҳақиқий проектор ясади.
Телевидение ва ҳаракатланувчи суратлар ихтиро қилинишидан аввал Голландиялик олим сеҳрли машина — тасвирлар ўзгариб турадиган ускуна ишлаб чиққан эди. XVII асрда яратилган ушбу кашфиёт томошабинларни ҳайратда қолдириб, Laterna Magicа (Сеҳрли фонар) номи билан танилди. Бу давр кино саноати тараққиётига муҳим аҳамиятга эга, — дея илҳом манбаи билан ўртоқлашди Нордерс.
Lego проектор ҳам худди шу принцип асосида ишлайди. Линзалар ва кўзгу ёрдамида ёруғлик ярим-шаффоф пластинадан ўтади ва тасвир ҳосил бўлади. Аммо проекторнинг ушбу қисмлари Lego ишлаб чиқариш каталогида йўқ.
Мазкур ихтиро ўн мингдан ортиқ фойдаланувчи овозини тўпласа, проектор конструктори ишлаб чиқарилиши йўлга қўйилиши мумкин.
Конструктор тўпламида 519 та блок мавжуд. Ҳар бир қўшимча слайд учун яна 7 та деталь керак бўлади. Бизнингча, ушбу ихтиро етарли овоз тўплай олади ва проектор ишлаб чиқарилиши йўлга қўйилади.
Изоҳ (0)