Россиянинг Краснодар ўлкасида яшовчи аёл 485 граммли ғайриоддий ўлчамга эга саримсоқ етиштирди. Бу ҳақда РБК хабар берди. Аёл маҳсулотни ўзи етиштирганини айтган, бироқ бу натижага эришиш учун қанча вақт кетгани ва саримсоқнинг қандай навга мансуб эканини очиқламаган.
Ижтимоий тармоқ фойдаланувчилари бу “филсимон саримсоқ” номи билан танилган рокамбол (пиёз ва саримсоқнинг улкан гибриди) нави бўлиши мумкинлигини тахмин қилмоқда. Одатда бу навдаги сабзавот вазни 200–300 грамм бўлади. Таққослаш учун: оддий саримсоқ бошининг оғирлиги 30–50 граммни ташкил этади.
Рекорд сифатида қайд этилган дунёдаги энг оғир саримсоқ 1,19 килограмм бўлган. Уни 1985 йилда АҚШнинг Калифорния штатида яшовчи Роберт Киркпатрик етиштирган. Бу натижа Гиннес рекордлар китобига киритилган.
2024 йил кузда санкт петербурглик Юлия Богданова ҳам гигант сабзавот — 226 килограммли қовоқ етиштирган. Сўнг ундан қайиқ ясаб, Стречино кўлида сузган. Кейин қовоқ бўлакларга бўлиниб, ҳайвонлар ва қушлар учун озуқа сифатида ишлатилган.
Изоҳ (0)