Lego смокинг кийган мушук кўринишидаги янги конструкция тўпламини тақдим этди. Лойиҳа концепциясини 2022 йилда Lego Ideas платформасидаги мухлислардан бири таклиф қилган.
Тўплам жами 1710 қисмдан иборат. “Смокинг кийган мушук” номли конструкторга қўшимча равишда икки хил рангдаги: кўк ёки сариқ кўзлар берилади. Конструктор интерактив ўйинчоқ бўлиб, оғзини очиб, ёпа олади, бошини ўнг ва чапга буради. Унинг қулоқлари, панжалари ва думини турли ҳолатга келтириш мумкин.
-bUZzKUGl.jpeg)
Конструктор-мушук модели Миро лақабли мушукдан андоза қилиб олинган. Лойиҳа муаллифи янги конструктор ҳақида ўз фикрларини билдирди:
Менинг асосий мақсадим кўплаб деталлардан иборат ва реал ҳайвонга ўхшаб кетадиган мушук кўринишидаги ўйинчоқни яратиш эди, чунки лойиҳа жуда кенг мақсадли аудитория учун мос келади.
Ўйинчоқ қора ва оч жигарранг рангларда ишлаб чиқарилади. Ҳақиқий Миро мушуги эса сиам ва бирман зотларига тегишлидир.
Янги тўплам жорий йилнинг 1 июнидан сотувга чиқарилади. Смокинг кийган мушук кўринишидаги ўйинчоқ нархи 99 долларга баҳоланган.
Изоҳ (0)