Lego компанияси “Қирол шер” мультфильмининг 30 йиллигини нишонлаш арафасида ўзининг янги конструкторлик “Ёш Симба Қирол шер” (Young Simba the Lion King) тўпламини тақдим этди, деб хабар берди Europa Plus нашри.
Конструктор 1445 та қисмдан, жумладан, ҳаракатланувчи бўлаклардан иборат бўлиб, улар тўлиқ ясалган Симбанинг қўл ва бошини турли йўналишда ҳаракатга келтириш имконини беради.
Мазкур тўпламни йиғишда қийналмаслик учун ишлаб чиқарувчи компания Lego Builder иловасидан фойдаланишни тавсия этади. Унда конструкторнинг 3D моделини кўриш, катталаштириш ва айлантириш мумкин. Тўлиқ йиғилганда Симбанинг баландлиги 29 сантиметрни ташкил қилади. Ундан ўйинчоқ ёки хона учун декорация сифатида фойдаланиш мумкин.
Lego Young Simba the Lion King тўпламини аввалдан буюртма қилиш мумкин. Бундай ўйинчоқ нархи ҳозирда 130 долларга баҳоланмоқда. Сотувга эса 1 июндан чиқарилади.
Эслатиб ўтамиз, “Қирол шер” Симба исмли жасур шер боласининг улғайиши ҳақидаги мультфильмдир. У Walt Disney Pictures томонидан 1994 йилда яратилган.
Аввалроқ Disney компанияси “Муфаса: Қирол шер” мультфильми трейлерини эълон қилгани ҳақида хабар берилганди.
Изоҳ (0)