Ижтимоий тармоқларда Андижонда уч нафар фарзанди бўлган эр-хотин кўмирдан чиққан ис газидан вафот этгани ҳақида хабарлар тарқалганди. Асака тумани ҳокимлиги бу маълумотни тасдиқлади.
Аниқланишича, ИИБ навбатчилик қисмининг хабарига кўра, 7 декабрь соат 9:20 лар атрофида Асака тумани, Учтош кўчасида яшовчи 1985 йилда туғилган фуқаро М.А. ва унинг 1986 йилда туғилган турмуш ўртоғи М.А.нинг жасади яшаш хонадонида қўлбола усулда ясалган иситиш печига солинган кўмир ёқилғисидан сизиб чиққан ис газидан заҳарланиш аъломатлари билан топилган.
Ҳодиса жойи тергов-тезкор гуруҳи аъзолари томонидан кўздан кечирилиб, фуқароларнинг ўлим сабабларини аниқлаш мақсадида судга оид тиббий экспертиза тайинланган.
Мазкур ҳолат юзасидан Асака туман прокуратураси томонидан терговга қадар текширув ҳаракатлари олиб борилмоқда.
Ис газидан вафот этаётган фуқаролар
2024 йил март ойида Фарғона вилояти Бешариқ туманида бир оиланинг уч аъзоси ис газидан заҳарланиб вафот этганди. Тошкент вилоятининг Янгийўл туманида эр-хотин ис газидан ҳалок бўлди. Октябрь ойида Қорақалпоғистоннинг Нукус шаҳрида уч киши ис газидан заҳарланиб вафот этди. Ноябрь ойи бошида Андижон вилоятининг Жалақудуқ туманида 4 киши ис газидан заҳарланиб вафот этди. 12 ноябрда Бухоро вилояти Когон шаҳрида аёл ва унинг вояга етмаган фарзанди ис газидан вафот этди. 18 ноябрь куни Наманган вилоятининг Поп туманида бир оиланинг 3 нафар аъзоси ис гази қурбони бўлди. Тошкент вилоятининг Пискент туманида 14 декабрда тўйи бўлган келин-куёв 15 декабрь куни ис газидан вафот этди.
Фавқулодда вазиятлар вазирлиги республика аҳолиси ҳамда ташкилот, корхона ва муассасалар раҳбарларига мурожаат билан чиқиб, кунлар совиши натижасида электр, газ ёки бошқа ёқилғида ишлайдиган иситиш мосламаларидан фойдаланишда эътиборсизлик туфайли ис газидан заҳарланиш, ҳаво-газ аралашмасининг чақнаши ва ёнғинлар содир бўлиши мумкинлигини билдириб, бундай ҳолатларнинг олдини олиш мақсадида тавсиялар берган эди.
Бахтсиз ҳодисалардан қандай ҳимояланиш мумкин?
Бахтсиз ҳодисалардан тўлиқ ҳимояланиш мумкин эмас, лекин хавфни камайтириш ва ўз хавфсизлигингизни ошириш жуда муҳим. Бунинг учун қуйидаги чораларни кўринг:
Биринчи ўринда — суғурта полиси олинг. Бу молиявий хавфдан ҳимояланишнинг самарали усулидир. Уй, машина ва соғлиқ учун суғурта орқали бахтсиз ҳодисаларнинг иқтисодий зарарини енгиллатиш мумкин. Суғурта компаниясига оид ахборотлар бу ерда.
Огоҳ бўлинг: Қаерда бўлсангиз ҳам атрофингиздаги вазиятни кузатинг. Бахтсиз ҳодисалар кўпинча бефарқлик ёки эътиборсизлик сабабли содир бўлади.
Билим ва кўникмаларни оширинг
Биринчи ёрдам кўрсатиш бўйича билимларни эгалланг, ёнғинга қарши курашиш қоидалари ва бошқа хавфсизлик бўйича қўлланмаларни ўқинг. Уйда хавфсизликни максимал таъминланг — тутун датчиклари ва ўт ўчиргичларга ҳозирланг.
Носоз электр симлари ва қурилмалардан сақланинг. Атрофни кузатинг: пиёда бўлсангиз, фақатгина телефонга эмас, балки атрофга ҳам қараб юришга ҳаракат қилинг. Йўл ҳаракати қоидаларига риоя қилинг.
Изоҳ (0)