Buxoro viloyati Kogon shahri, “Xiva” ko‘chasida 12-noyabr kuni soat 17:00 larda bir oilaning ikki aʼzosi vafot etdi. Bu haqda Bosh prokuratura matbuot xizmati “Daryo”ga xabar berdi.
Maʼlum qilinishicha, 1987-yilda tug‘ilgan ayol va uning 2012-yilda tug‘ilgan voyaga yetmagan farzandi xonada isitish uchun o‘rnatilgan qo‘lbola usulda tayyorlangan pechkaga yoqilgan tabiiy gazdan chiqqan is gazidan zaharlanib vafot etgan.
Holat yuzasidan tergovga qadar tekshiruv harakatlari olib borilmoqda.
2023-yil oktyabr oyida Samarqand viloyati Oqdaryo tumanidagi xonadonlarning birida uch kishi is gazidan zaharlanib vafot etgandi. Fevral oxirida esa Surxondaryoning Boysun tumanida bir oilaning 5 nafar a’zosi is gazidan vafot etgani to‘g‘risida xabar berilgan edi.
2024-yil mart oyida Farg‘ona viloyati Beshariq tumanida bir oilaning uch a’zosi is gazidan zaharlanib vafot etgandi. Shuningdek, Toshkent viloyatining Yangiyo‘l tumanida er-xotin is gazidan vafot etdi.
Oktyabr oyida Qoraqalpog‘istonning Nukus shahrida uch kishi is gazidan zaharlanib vafot etgandi. Noyabr oyi avvalida Andijon viloyatining Jalaquduq tumanida 4 kishi is gazidan zaharlanib vafot etdi.
Avvalroq Namangan viloyatining Pop tumanida bir oilaning 3 nafar aʼzosi is gazidan zaharlanib vafot etgandi xabar qilingandi.
Favqulodda vaziyatlar vazirligi respublika aholisi hamda tashkilot, korxona va muassasalar rahbarlariga murojaat bilan chiqib, kunlar sovishi natijasida elektr, gaz yoki boshqa yoqilg‘ida ishlaydigan isitish moslamalaridan foydalanishda eʼtiborsizlik tufayli is gazidan zaharlanish, havo-gaz aralashmasining chaqnashi va yong‘inlar sodir bo‘lishi mumkinligini bildirib, bunday holatlarning oldini olish maqsadida tavsiyalar bergan edi.
Tizimga kiring yoki Roʻyxatdan oʻting.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRoʻyxatdan oʻtganmisiz? Login.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)