Toshkent viloyatining Piskent tumanida 14-dekabrda to‘yi bo‘lgan kelin-kuyov 15-dekabr kuni is gazidan vafot etgani haqida xabarlar tarqaldi.
Bosh prokuratura matbuot xizmati rahbari Hayot Shamsutdinov Piskentdagi xonadonda 15-dekabr kuni erkak va ayol vafot etganini “Daryo”ga tasdiqladi. Ma’lum qilinishicha, ular 29 yoshli erkak D.R. va 27 yoshli ayol S.A. bo‘lib, qonuniy nikohdan o‘tmasdan yashab kelgan.
Tergovga qadar tekshiruv harakati doirasida sud tibbiy ekspertizasi tayinlangan. Dastlabki ma’lumotnomaga ko‘ra, ularning vafoti noma’lum modda bilan zaharlanish, ichki a’zolarning venoz to‘laqonligi, miya va o‘pka shishishi sabab bo‘lgan.
Mazkur holat yuzasidan Piskent tuman prokuraturasi tomonidan tergovga qadar tekshiruv harakatlari olib borilmoqda.
Is gazidan vafot etayotgan fuqarolar
2024-yil mart oyida Farg‘ona viloyati Beshariq tumanida bir oilaning uch a’zosi is gazidan zaharlanib vafot etgandi. Toshkent viloyatining Yangiyo‘l tumanida er-xotin is gazidan halok bo‘ldi. Oktyabr oyida Qoraqalpog‘istonning Nukus shahrida uch kishi is gazidan zaharlanib vafot etdi. Noyabr oyi boshida Andijon viloyatining Jalaquduq tumanida 4 kishi is gazidan zaharlanib vafot etdi. 12-noyabrda Buxoro viloyati Kogon shahrida ayol va uning voyaga yetmagan farzandi is gazidan vafot etdi. 18-noyabr kuni Namangan viloyatining Pop tumanida bir oilaning 3 nafar aʼzosi is gazi qurboni bo‘ldi.
Baxtsiz hodisalardan qanday himoyalanish mumkin?
Baxtsiz hodisalardan to‘liq himoyalanish mumkin emas, lekin xavfni kamaytirish va o‘z xavfsizligingizni oshirish juda muhim. Buning uchun quyidagi choralarni ko‘ring:
Birinchi o‘rinda — sug‘urta polisi oling. Bu moliyaviy xavfdan himoyalanishning samarali usulidir. Uy, mashina va sog‘liq uchun sug‘urta orqali baxtsiz hodisalarning iqtisodiy zararini yengillatish mumkin. Sug‘urta kompaniyasiga oid axborotlar bu yerda.
Ogoh bo‘ling: Qayerda bo‘lsangiz ham atrofingizdagi vaziyatni kuzating. Baxtsiz hodisalar ko‘pincha befarqlik yoki e’tiborsizlik sababli sodir bo‘ladi.
Bilim va ko‘nikmalarni oshiring.
Birinchi yordam ko‘rsatish bo‘yicha bilimlarni egallang, yong‘inga qarshi kurashish qoidalari va boshqa xavfsizlik bo‘yicha qo‘llanmalarni o‘qing. Uyda xavfsizlikni maksimal ta’minlang — tutun datchiklari va o‘t o‘chirgichlarga hozirlang.
Nosoz elektr simlari va qurilmalardan saqlaning. Atrofni kuzating: piyoda bo‘lsangiz, faqatgina telefonga emas, balki atrofga ham qarab yurishga harakat qiling. Yo‘l harakati qoidalariga rioya qiling.
Izoh (0)