Сурхондарёнинг Бойсун туманида бир оиланинг 5 нафар аъзоси ис газидан вафот этди. Бу ҳақда “Дарё”га Бош прокуратура матбуот хизмати раҳбари Ҳаёт Шамсутдинов маълум қилди.
25 февраль куни тахминан соат 10:30 ларда туманнинг “Дуоба” маҳалласида яшаган эркак Ж.Х. (1980 йилда туғилган) ва унинг уч нафар вояга етмаган фарзанди — бир ўғил (2013 йилда туғилган) ва икки қизи (2016 ва 2018 йилларда туғилган) яшаш уйида ухлаб ётган вақтида темирдан қўлбола ясалган печдан чиққан ис газидан димиқиб, воқеа жойида вафот этган.
Эркакнинг турмуш ўртоғи З.Н. (1986 йилда туғилган) ва вояга етмаган яна бир қизи Бойсун туман тиббиёт бирлашмасига қарашли жонлантириш бўлимига ётқизилган. Бироқ кўрсатилган тиббий муолажаларга қарамай, 2008 йилда туғилган қиз 27 февраль куни соат 10:45 ларда туман тиббиёт бирлашмасида вафот этган.
Мазкур ҳолат юзасидан терговга қадар текширув ҳаракатлари Бойсун туман прокуратураси томонидан олиб борилмоқда.
Изоҳ (0)