Метан заправкада содир бўлган жанжал, Сурхондарёда ис газидан вафот этган бир оиланинг 5 нафар аъзоси, БМТ Бош ассамблеяси Ўзбекистон томонидан илгари сурилган “2027 йил — Халқаро барқарор ва яшовчан туризм йили” резолюциясини бир овоздан маъқуллаши – “Дарё” нашри бугун, 27 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда мебел ишлаб чиқариш цехида ёнғин чиқди. Уни ўчиришга 20 та экипаж жалб этилди (видео)
Ҳодиса жойидан беш нафар ишчи ёнғиндан қутқарилиб, тез тиббий ёрдам ходимларига топширилди.
Фарғона ва Қўқонда криптовалюта ишлаб чиқариш билан ноқонуний шуғулланганлар қўлга тушди (видео)
Майнерлар жами 1,3 миллиард сўмлик электр энергиясини талон-торож қилган.
Ўзбекистонда 26 февраль куни 11,3 минг тонна мазут ёқилди — Энергетика вазирлиги
Кеча мамлакатда режадагига нисбатан 5 фоиз кўп электр энергияси ишлаб чиқарилган.
Қашқадарёда калий заводининг чиқинди сувлари тўғридан тўғри сойга оқизилаётгани маълум бўлди
Экологлар томонидан заводга 363 млн сўмдан ортиқ компенсация тўлови белгиланди.
Сурхондарёда бир оиланинг 5 нафар аъзоси ис газидан вафот этди
Эркак ва унинг 4 нафар вояга етмаган фарзанди вафот этган, аёли касалхонада.
Ўзбекистонда ота-оналарга болаларини жисмоний жазолаш тақиқланиши мумкин
Таълим ташкилотларида болалар қадр-қимматини камситувчи муомалага йўл қўйилмаслиги қатъий белгиланмоқда.
Сирдарёда 300 минг долларга ноқонуний сотилаётган ерга собиқ ҳоким ҳам алоқадорлиги аниқланди
Икки шахс мансабдор танишлари орқали ҳужжатларни расмийлаштириб беришини айтган.
Зоир Мирзаев ўқитувчилари ва ўқувчилари телефон ишлатишдан воз кечган мактабга 300 миллион сўм пул мукофоти беришини маълум қилди
“Мен пул бераман, шу ишни қилганларни рағбатлантирмоқчиман”, — дейди вилоят ҳокими.
Уч гектарга 70 минг доллар: Ўзбекистоннинг уч ҳудудида ернинг ноқонуний сотилиши олди олинди
Ҳозирда мазкур шахсларнинг барчасига нисбатан жиноят ишлари қўзғатилган.
Тошкентнинг учта туманида “свет” вақтинча ўчирилади
Мазкур ҳудудлар рўйхати тақдим қилинди.
“Фаринго форте” спрейи ишлаб чиқарувчиси ўз фаолиятини вақтинча тўхтатди
Тадбиркорга корхона биноси янги манзилга кўчирилганда янги ишлаб чиқариш манзилига қайта рухсатнома олиши лозим эканлиги тушунтирилган.
Янгиҳаёт туманидаги махсус саноат зонасида йилига қиймати 1 трлн сўмдан ортиқ маҳсулотлар ишлаб чиқарилиши кутилмоқда
Президентга Тошкентда саноат ва хизмат кўрсатиш соҳалари ҳамда инфратузилмани ривожлантириш бўйича ҳужжатлар лойиҳалари юзасидан ахборот берилди.
Ўзбекистон ташаббуси билан 2027 йил Халқаро барқарор ва яшовчан туризм йили деб эълон қилинади
БМТ Бош ассамблеяси Ўзбекистон томонидан илгари сурилган “2027 йил — Халқаро барқарор ва яшовчан туризм йили” резолюциясини бир овоздан маъқуллади.
Бухорода 15 ёшли бола онасининг устидан болалар омбудсманига шикоят қилди
Омбудсман ҳолат ҳақида батафсил маълумот берди.
Фарғонада атмосферага белгиланган меъёрдан ортиқ саноат ташламаларини чиқараётган 10 та корхона фаолияти вақтинча тўхтатилди
Тиббиёт соҳасида аниқланган қонун бузилиши ҳолатларини бартараф этиш бўйича 34 та тақдимнома киритилди.
Тошкент вилоятидаги метан заправкада жанжал содир бўлди
Дастлабки маълумотга кўра, вафот этган фуқаролар йўқ.
Изоҳ (0)