Наманган вилоятида йўловчига шилқимлик қилган Damas ҳайдовчиси 3 суткага қамалди. Ҳолат юзасидан суд ҳужжати эълон қилинди.
Суд ҳужжатига кўра, 8 июль куни соат 00:30 атрофида Damas ҳайдовчиси йўловчи сифатида кетаётган Н.Б.нинг сон қисми ва кўкрагидан ушлаб, шаҳвоний шилқимлик қилган.
Шу сабабли Маъмурий жавобгарлик тўғрисидаги кодекснинг 41-моддаси 1-қисми билан 5 сутка маъмурий қамоқ жазоси тайинланган.
Шундан сўнг апелляция шикоятида, қилмишидан чин кўнгилдан пушаймонлиги, жабрланган Н.Б.дан кечирим сўрагани ва жабрланганнинг унга нисбатан даъвоси йўқлигини инобатга олиб, енгиллик беришни сўраган.
Суд қарорига кўра, қарор ўзгартирилди, 3 сутка маъмурий қамоқ жазоси тайинланди. Апелляция шикояти қисман қаноатлантирилди.
Ўзбекистонда 4 ойда зўравонликка учраган 2 317 нафар хотин-қизга ёрдам кўрсатилди.
Тошкент вилояти Нурафшон шаҳрида 60 ёшли эркак 6 ёшли қўшнисига тегажоғлик қилганликда айбланаётгани ҳақида хабар берилганди. Шунингдек, Андижонда мактаб директори ўринбосари ўқувчи қизларга тегажоғлик қилаётгани айтилган, Тошкентда метро вагонида нотаниш қизга шилқимлик қилган эркак беш суткага қамалган эди.
Тошкент шаҳар Юнусобод туманида ўқитувчи эркак собиқ ўқувчисини дўстининг олдида ҳақоратлаб, тегажоғлик қилган эди.
Шунингдек, Тошкент шаҳрининг Яккасарой туманидаги рассомчилик мактаби ўқитувчиси дарс пайтида ўқувчи қизга шилқимлик қилгани учун 5 суткага қамалганди.
Изоҳ (0)