Тошкент шаҳар Юнусобод туманида 9 ёшли йўловчи қизга шаҳвоний шилқимлик қилган кондуктор қамалди. Бу ҳақда Олий суд матбуот хизмати “Дарё”га маълумот берди.
Маълум қилинишича, 3 ноябрь куни соат 11:30 атрофида 115-сонли автобус кондуктори бўлиб ишлайдиган А.Х. вояга етмаган 2014 йилда туғилган С.Ж.ни ёнига ўтириб, шаҳвоний шилқимлик қилиб, унинг қўлидан ушлаган. 22 ноябрь куни Тошкент шаҳар жиноят ишлари бўйича Юнусобод туман судида фуқаро А.Х.га нисбатан маъмурий иш кўриб чиқилган.
Суд мажлисида ҳуқуқбузар айбига иқрор бўлиб, содир этган қилмишидан пушаймон эканини билдирган ва суддан енгил жазо беришини сўраган.
Суд ҳукмига кўра, судланувчи А.Х.га нинг Маъмурий жавобгарлик тўғрисидаги кодекснинг 41-1-моддаси 1-қисмида назарда тутилган ҳуқуқбузарликни содир этгани учун 5 сутка маъмурий қамоқ жазоси тайинланган.
Шунингдек, жазо ўталганидан сўнг ҳуқуқбузардан Тошкент шаҳар ИИББ Маъмурий тартибда қамоққа олинган шахсларни сақлаш махсус қамоқхонаси фойдасига қамалганларни сақлаш билан боғлиқ бўлган харажатлар учун қамоқнинг ҳар бир суткаси учун базавий ҳисоблаш миқдорининг 15 фоизи миқдорида 247 500 сўм ундирилиши белгиланди.
Изоҳ (0)