Тошкентда стюардессага тегажоғлик қилган йўловчи эркак уч суткага қамалди. Бу ҳақда Тошкент шаҳар судлари “Дарё”га хабар берди.
Маълум бўлишича, ҳодиса Владивосток—Тошкент йўналиши бўйича парвоз вақтида содир бўлган. Маст эркак самолёт салонида чекмоқчи бўлганида борт кузатувчиси самолётда чекиш мумкин эмаслигини тушунтирган.
Шу вақт эркак номақбул хатти-ҳаракатлар содир этиб, аёлнинг кўкрагидан ушлаган ва унга ҳақоратли сўзлар айтган.
Ҳолат жиноят ишлари бўйича Сергели туман суди томонидан кўриб чиқилди. 1982 йилда туғилган эркак Маъмурий жавобгарлик тўғрисидаги кодекснинг 41-1-моддаси 1-қисмида назарда тутилган ҳуқуқбузарликни содир этганликда айбли деб топилиб, унга 3 сутка қамоқ жазоси тайинланди.
Ўзбекистонда 4 ойда зўравонликка учраган 2 317 нафар хотин-қизга ёрдам кўрсатилди.
Тошкент вилояти Нурафшон шаҳрида 60 ёшли эркак 6 ёшли қўшнисига тегажоғлик қилганликда айбланаётгани ҳақида хабар берилганди. Шунингдек, Андижонда мактаб директори ўринбосари ўқувчи қизларга тегажоғлик қилаётгани айтилган, Тошкентда метро вагонида нотаниш қизга шилқимлик қилган эркак беш суткага қамалган эди.
Тошкент шаҳар Юнусобод туманида ўқитувчи эркак собиқ ўқувчисини дўстининг олдида ҳақоратлаб, тегажоғлик қилган эди.
Шунингдек, Тошкент шаҳрининг Яккасарой туманидаги рассомчилик мактаби ўқитувчиси дарс пайтида ўқувчи қизга шилқимлик қилгани учун 5 суткага қамалганди.
Изоҳ (0)