Andijonda maktab direktori o‘rinbosari o‘quvchi qizlarga tegajog‘lik qilayotgani haqida xabarlar tarqaldi. Bolalar ombudsmani mazkur holatni o‘rganib, o‘z kuzatuviga oldi.
Ma’lum bo‘lishicha, 7-may kuni Andijon viloyatida joylashgan 1-sonli umumta’lim maktabiga 1957-yilda tug‘ilgan ayol U.M. kelib, muassasa ma’muriyati va inspektor-psixologga murojaat qilgan.
O‘z murojaatida 6-sinf o‘quvchisi bo‘lgan nabirasi N.S.ga nisbatan mazkur maktab direktor o‘rinbosari M.K. (1990-yilda tug‘ilgan) tegajog‘lik qilganini aytib, bunday holat avval ham kuzatilganini bildirgan.
Hozirda holat bo‘yicha Andijon shahar IIO tomonidan tergovga qadar tekshiruv olib borilmoqda.
Mazkur holat shaxsan viloyat maktabgacha va maktab ta’limi boshqarmasi boshlig‘i nazoratiga olingan. Boshqarma ta’lim sha’ni va obro‘siga hamda pedagog imijiga salbiy ta’sir etuvchi har qanday holatlarga keskin munosabat bildirgan holda tegishliligi bo‘yicha keskin jazo choralarini qo‘llashini ma’lum qilgan.
Izoh (0)