АҚШнинг Пенсилвания штатида 22 ёшли Жейкоб Бакли президент Дональд Трампни ўлдириш билан таҳдид қилганликда айбланди. Бу ҳақда Centre Daily Times хабар берди.
Айбловга йигитнинг TikTok ижтимоий тармоғида ёзган постлари сабаб бўлди. У 2025 йил 16 январь куни, Трамп ҳали сайланган президент мақомида бўлган пайтда, унга ва унинг тарафдорларига қарши таҳдидли постлар жойлаштирган.
“MAGA’дан бўлган республикачилардан нафратланаман, худо ҳақи, уларнинг ҳаммасини ўлдираман”, “Мен Трампни ўлдирмоқчиман”, “Тўрт кундан кейин бизда ҳақиқий олигархия бўлади, ва мен Трампни ўлдираман”, деган постлар ёзган айбланувчи.
Маълумот учун, Дональд Трамп 20 январь куни АҚШнинг 47-президенти сифатида қасамёд қабул қилган. Йигит айбдор деб топилган тақдирда максимал беш йилга қамалиши мумкин. Қамоқдан сўнг унга назорат остида бўлиш муддати, жарима ва махсус тўлов белгиланиши кутилмоқда. Терговни АҚШ Махфий хизмати олиб бормоқда.
MAGA — бу “Make America Great Again” (Американи яна буюк қилай) деган шиорнинг қисқартмаси бўлиб, Трампнинг сиёсий кампаниясида кенг қўлланган.
Изоҳ (0)