Тошкент шаҳар Сергели туманидаги мактабларнинг бирида эркак ўқитувчи хонани қулфлаб, ўқувчисига тегажоғлик қилди. Бу ҳақда шаҳар судлари ахборот хизмати “Дарё”га хабар берди.
Маълум қилинишича, 4 март куни Сергели туманида жойлашган 322-мактаб ўқитувчиси Э.П. 10-синф ўқувчиси Р.Ф.ни ҳуқуқ дарсидан ҳар хил баҳоналар қилиб хонасига чақирган, эшикни қулфлаб, кел, бир қучоқлай, деб тегажоғлик қилмоқчи бўлган.
Ҳолат юзасидан судланувчи Маъмурий жавобгарлик тўғрисидаги кодекснинг 411-моддаси 1-қисмида назарда тутилган ҳуқуқбузарликни содир этганликда айбли деб топилди ва 5 сутка маъмурий қамоқ жазоси тайинланди.
Бундан аввал Тошкент шаҳар Юнусобод туманида ўқитувчи эркак собиқ ўқувчисини дўстининг олдида ҳақоратлаб, тегажоғлик қилган эди.
Шунингдек, Тошкент шаҳрининг Яккасарой туманидаги рассомчилик мактаби ўқитувчиси дарс пайтида ўқувчи қизга шилқимлик қилгани учун 5 суткага қамалганди. Шундан сўнг болалар омбудсмани тақдимномаси билан суд қарорига протест киритилди.
Изоҳ (0)