Тошкент вилояти Янгийўл шаҳрида 8-синф ўқувчилари мактаб стадионида жанжаллашди. Вилоят Мактабгача ва мактаб таълими бошқармаси ҳолатга изоҳ берди.
Маълум қилинишича, ҳолат шу куннинг ўзида вилоят Мактабгача ва мактаб таълими бошқармаси томонидан назоратга олиниб ўрганиш ишлари олиб борилди. Ушбу жанжал вилоятнинг Янгийўл шаҳридаги 2-сонли умумтаълим мактаби 8-синф ўқувчилари иштирокида, дарс жараёнларидан кейин мактаб стадионида содир этилган.
Шу куннинг ўзида жажаллашган ўқувчилар ота-оналари шаҳар Мактабгача ва мактаб таълими бўлимига чақиртирилган. Огоҳлантириш берилган.
Аввалроқ Тошкент шаҳар Олмазор туманида мактаб ўқувчиси устига футбол дарвозаси тушиб кетиши оқибатида вафот этгани ҳақида хабар берилганди.
Шунингдек, Андижондаги мактаблардан бирида ўқувчи мактабдошини калтаклагани ҳақида хабар берилганди. Бундан ташқари, Бухорода ихтисослаштирилган мактаб-интернати ўқитувчиси руҳий ногирон ўқувчини ургани хабар қилинганди.
Изоҳ (0)