Киноларда севишган ролини ижро этаётган юлдузлар кўпинча шахсий ҳаётда ҳам муносабат бошлайди. Лекин ҳар доим ҳам бундай муносабатлар тўй билан якун топавермайди. Қайси юлдузлар суратга олиш майдонида танишгани ва уларнинг муносабатлари қандай якунланганини мақолада билиб оласиз.
Зак Эфрон ва Ванесса Энн Хаженс
Юлдузларнинг яқин танишуви 2005 йилда “Зўр мюзкл” фильмида суратга олиш жараёнида юз берди. Севишганлар муносабатларини яшириб келган, аммо 2007 йилда Ванесса Эн Ҳадженс Зак Эфрон билан учрашаётганини тасдиқлади. Шу йили Ванессанинг “Сай ОК” қўшиғига клип чиқди, унда Зак ҳам иштирок этди. Шундан сўнг жуфтликни турли тадбирларда тез-тез кўришар ва улар ўз ҳис-туйғуларини яширмас эдилар.
2009 йилда Ҳаженс ва Эфрон “Оскар” мукофотлари тақдимотида бирга кўриниш бердилар. Лекин бир йил ўтиб, уларнинг ажрашгани ҳақида маълумот тарқалди. 2023 йил декабрида Ҳаженс бейсболчи Кол Такерга турмушга чиқди, 2024 йил ёзида эса она бўлди. Зак Эфрон эса ҳали ҳам ўзининг иккинчи ярмини изламоқда.
Бред Пит ва Анжелина Жоли
Юлдузлар 2003 йилда “Жаноб Смит ва Смит хоним” комедик жангари фильмининг суратга олиш жараёнида танишган. Ўша пайтда Жоли аллақачон ажрашганди (тўрт йиллик никоҳдан сўнг актёр Билли Боб Торнтон билан ажрашган), Питт эса Женнифер Энистонга уйланган эди. Жолининг айтишича, улар тезда бир-бирига ошиқ бўлмаган. Дастлаб улар фақат бирга ишлашдан завқланган.
2005 йилда Питт рафиқасидан ажрашиб, Анжелина билан Эфиопияга борди. 2007 йилда Жоли биринчи бор ҳамкасби билан муносабатлари ҳақида гапира бошлади. Беш йил ўтгач, жуфтлик тўйга тайёргарлик кўришни эълон қилди. Бред Питт ва Анжелина Жоли 2014 йилда ажойиб тўй маросимини ўтказишди.
Гўзал севги тарихи 2016 йилда якунланди. Ўн икки йиллик муносабатдан сўнг актриса ажрашиш учун ариза берди ва ҳал этиб бўлмас келишмовчиликларни асос қилиб кўрсатди. Никоҳни бекор қилиш учун саккиз йил вақт кетди. Бу вақт ичида Питт Жоли устидан судга даъво аризаси берди, чунки у ўзининг вино ишлаб чиқариш корхонасидаги улушини сотиб, компания обрўсига зарар етказганини айтди.
Роберт Паттинсон ва Кристен Стюарт
Ушбу жуфтлик муносабатлари 2008 йилда “Сумерки: Зулмат остонасидаги муҳаббат” фильмининг биринчи қисми суратга олинаётганда бошланган. 2009 йил ўрталарида Роберт Паттинсон ва Кристен Стюарт учрашаётгани маълум бўлди. Стюартнинг айтишича, дастлаб улар қўл ушлашмасликка ҳаракат қилишган, чунки папарацсилардан қочиш керак эди. Актрисанинг фикрича, оммавий эътибор сабаб, уларнинг муносабатлари ёмонлашган.
2012 йилда Стюарт “Қорқиз ва овчи” фильми режиссёри Руперт Сандерс билан ўпишаётгани камерага тушди. Шундан сўнг жанжал юз берди, аммо Кристен севгилиси билан ярашишга муваффақ бўлди, гарчи бу узоқ давом этмаган бўлса-да. Жуфтлик 2013 йил май ойида ажрашди. Ҳозирда Роберт Паттинсон модел ва актриса Суки Оутерхаусга уйланган.
Жефф Голдблум ва Лора Дерн
Машҳурлар “Юра даврига саёҳат” фильмини суратга олиш жараёнида танишди. Жефф Голдблум бир интервьюда Лора Дернни актёр сифатида кўп йиллардан бери ҳурмат қилганини айтди, аммо улар бирга ишлагач, орасидаги фарқ 15 ёш бўлишига қарамай, бир-бирларини севиб қолганини тушунишди.
1995 йилда Голдблум Лора Дернга уйланишни таклиф қилди, аммо икки йил ўтиб улар ажрашди. Жефф эса 10 йилдан бери гимнаст Эмилй Livingстон билан турмушда. Уларнинг Чарли Оуэшн ва Ривер Жоэ исмли икки ўғли бор. Лора Дерн бир неча йил мусиқачи Бен Harper билан қурган, ундан қизи Жай ва ўғли Elleри Уолкер туғилган. Жуфтлик 2013 йилда ажрашди.
Эндрю Гарфилд ва Эмма Стоун
Уларнинг тақдири “Янги ўргимчак одам” блокбастерининг суратга олиш жараёнида боғланди. Эндрю ва Эмма биринчи марта 2011 йил 7 ноябрда учрашувида омма эътиборига тушди. Улар кинога борган ва кейин қаҳвахонага тушган. Севишганлар Гарфилднинг 38 ёшга тўлишини Диснейландда нишонлашди ва тез орада “Янги ўргимчак одам” фильмининг иккинчи қисмини суратга жараёнига йўл олишди.
Афсуски, бир йил ўтиб улар дўст бўлиб қолишга қарор қилди, аммо мухлислар уларнинг яна қайта бирлашишига ишонади.
Райан Гослинг ва Рейчел Макадамс
Бу жуфтликнинг муносабатлари келишмовчиликлар билан бошланди. Аниқроғи, “Хотира дафтари” фильми суратга олаётганда Райан Гослинг режиссёрдан Рейчел Макадамсни алмаштиришни сўради. Лекин мелодрама чиқиб, икки йил ўтгач, улар тасодифан учрашиб, бир-бирларини нотўғри тушунганликларини англашди.
Мухлислар уларнинг ажралишидан жуда хафа бўлди. Гослингнинг фикрича, уларнинг муносабатлари муваффақиятсиз бўлиши керак эди, чунки иккаласи ҳам шоу-бизнес оламидан. Шундай бўлса-да, улар бир-бирларини илиқ хотиралар билан эслаб қолишади.
Жесси Племонс ва Кирстен Данст
Юлдузлар илк бор 2015 йилда “Фарго” сериалининг иккинчи мавсумида учрашишди. Бошланишда Жессе ва Кирстеннинг романтик муносабатлари фақат гап-сўз бўлган, аммо 2017 йил июнда актриса унаштирилганини эълон қилди. 2018 йилда жуфтликнинг ўғли Энис Говард туғилди. Уч йил ўтиб, кичик ўғил Жамес Роберт дунёга келди.
Қизиқарли жиҳати, 2021 йилда Племонс ва Данст яна “Ит кучи” драмасида севишган ролларни ижро этди ва бу учун “Оскар” номинациясига сазовор бўлди. Кейинги ёзда улар тўй қилишди. Ҳозирги кунгача турмуш қуриб, бирга яшамоқда.
Крис Пратт ва Анна Ферис
Крис Пратт ва Анна Фериснинг романтик ҳикояси 2007 йилда “Мени уйга олиб бор” комедиясининг суратга олиниши билан бошланди. Крис Пратт Анна Ферисга бир қарашда ошиқ бўлди. 2008 йил охирида улар уаштирилганини эълон қилди ва бир неча ой ўтиб турмуш қурди. Уларнинг ўғли Жек туғилди, ва “Галактика қўриқчилари” фильми чиқарилиши билан Праттнинг карьераси ошди. У рафиқасига бу мураккаб даврда берган ёрдами учун миннатдорлик билдирди.
Аммо 2018-илда Крис ва Анна ажрашди. Кейинчалик Пратт “Терминатор” юлдузи Кетрин Шварценеггерга уйланиб, Фарис эса оператор-монтажчи Майкл Барреттга турмушга чиқди. Улар “Сувдан ташқарида” фильмида бирга ишлаган. Пратт ва Ферис дўстона муносабатларни сақлаб қолишга муваффақ бўлди.
Изоҳ (0)