Кичкинтойлар дунёни ўйин орқали ўрганади. Замонавий интерактив ўйинчоқлар эса бу жараённи янада қизиқарли бўлишига ёрдам беради. Улар нафақат вақтни мароқли ўтказишга, балки болалар тафаккури, нутқи, мантиқий фикрлаши ва ҳаракатини ривожлантиришга хизмат қилади. Қуйида сизга илк туғилган вақтдан бошлаб 3 ёшгача бўлган болалар учун мос бўлган энг фойдали 8 та ўйинчоқ ҳақида маълумот берамиз.
1. Бизиборд
Ёш болалар учун энг муҳим машғулотлардан бири бу бармоқларни ишлатиш, чунки бармоқ учлари орқали нутқ ва ақлий ривожланиш фаоллашади. Бизиборд бу турли маиший буюмлар: “замок”, тугма, занжир, қулф ва бошқа деталлар ўрнатилган сенсор тахта. Масалан, замок тортилса, у очилади. Ўйинчоқ мутлақ хавфсиз: буюмлар маҳкам бириктирилган, чақалоқ уларни ютиб юбормайди.
2. Ривожлантирувчи планшет
Узоқ йўлга чиққанда ёки уйда болани смартфонсиз бирор иш билан банд қилишни истасангиз, интерактив планшетлар айни муддао. У ҳайвонлар, касблар, транспорт ва мевалар каби мавзуларда карточкаларга эга. Планшет ёрқин суратлар орқали дунёни танитади, топшириқлар беради. Фарзандингиз ҳам ўзбек, ҳам рус ва инглиз тилларида янги сўзларни ўрганади.
3. Сўзлашувчи китоб
Интерактив сўзлашувчи китоблар ўзига хос ривожлантирувчи энциклопедиядир. Бола расмларни босиб, юздан ортиқ фактларни тинглайди. Қаҳрамонлар эса болани тана аъзолари, ҳиссиётлар, маиший буюмлар ва бошқа мавзулар билан таништиради.
4. Ўйин гиламчаси
Ҳали ўтиришни ўрганмаган чақалоқлар учун ҳам қизиқарли ўйинлар бор. Масалан, ўйин гиламчаси ёрқин, юмшоқ, турли овоз чиқарадиган ўйинчоқлар осилган ёйга эга. Баъзи гиламчаларда пианино тугмачалари ҳам бўлиб, улар ёрдамида бола товушлар чиқаришни ўрганади. Гиламча батарея билан ишлайди.
5. Электрон плакат
Болалар учун мўлжалланган электрон плакатлар дарров эътиборни жалб қилади ва турли мавзуларни, масалан, табиатни ўрганишга ёрдам беради. Бундай плакатлар турли мавзуларда ҳикоя қилади, шеърлар айтади, шунингдек, викторина режими орқали боланинг билимини синайди. Уч ёшдан катта болалар учун тавсия этилади.
6. Мусиқали тунги чироқ
Қоронғиликдан қўрқадиган болалар учун мусиқали тунги чироғи энг яхши ечим. Унинг ичида турли режимлар мавжуд: сайёралар, балиқлар, юлдузчалар ва бошқалар. Чироқ айланади, ёруғлик таратади ва алла айтади. Micro USB орқали қувватланади.
7. Ксилофонли сортер
WиМи автобуси — бу сортер, ксилофон ва машинани бирлаштирган ўйинчоқ. Шакллар орқали бола мантиқ ва моторикани ривожлантиради, ксилофон билан эса товушни фарқлашни ўрганади. Мустаҳкам пластмассадан тайёрланган бу ўйинчоқ узоқ хизмат қилади.
8. Қўшиқ айтувчи қуёнча
Болалар учун интерактив ўйинчоқлар орасида алило қуёнчаси ўзининг ноёб функциялари ва хавфсизлиги билан ажралиб туради. Бу ўйинчоқ нафақат қўшиқ куйлайди, эртаклар айтади, балки болани ўрганишга ва ўз-ўзини ривожлантиришга ундайди.
Қуёнчанинг юмшоқ силикон қулоқлари чақалоқ учун хавфсиз бўлиб, уларни чайнашдан қўрқиш шарт эмас. Мустаҳкам ва зарбага чидамли танаси эса болалар ўйинида йиқилиб тушганда ҳам осонгина бузилмайди.
Алило қуёнчасида болалар учун классик қўшиқлар, эртаклар, сокин мусиқалар мавжуд. Шу билан бирга, қуёнча интерактив ўйинлар орқали болани ҳаракатга ундайди: масалан, уни силкитиб, нечта марта ҳаракат қилинганини ҳисоблаб, жавоб беради. Бу болада фаоллик ва кузатувчанликни ривожлантиради.
Изоҳ (0)