Kichkintoylar dunyoni o‘yin orqali o‘rganadi. Zamonaviy interaktiv o‘yinchoqlar esa bu jarayonni yanada qiziqarli bo‘lishiga yordam beradi. Ular nafaqat vaqtni maroqli o‘tkazishga, balki bolalar tafakkuri, nutqi, mantiqiy fikrlashi va harakatini rivojlantirishga xizmat qiladi. Quyida sizga ilk tug‘ilgan vaqtdan boshlab 3 yoshgacha bo‘lgan bolalar uchun mos bo‘lgan eng foydali 8 ta o‘yinchoq haqida ma’lumot beramiz.
1. Bizibord
Yosh bolalar uchun eng muhim mashg‘ulotlardan biri bu barmoqlarni ishlatish, chunki barmoq uchlari orqali nutq va aqliy rivojlanish faollashadi. Bizibord bu turli maishiy buyumlar: “zamok”, tugma, zanjir, qulf va boshqa detallar o‘rnatilgan sensor taxta. Masalan, zamok tortilsa, u ochiladi. O‘yinchoq mutlaq xavfsiz: buyumlar mahkam biriktirilgan, chaqaloq ularni yutib yubormaydi.
2. Rivojlantiruvchi planshet
Uzoq yo‘lga chiqqanda yoki uyda bolani smartfonsiz biror ish bilan band qilishni istasangiz, interaktiv planshetlar ayni muddao. U hayvonlar, kasblar, transport va mevalar kabi mavzularda kartochkalarga ega. Planshet yorqin suratlar orqali dunyoni tanitadi, topshiriqlar beradi. Farzandingiz ham o‘zbek, ham rus va ingliz tillarida yangi so‘zlarni o‘rganadi.
3. So‘zlashuvchi kitob
Interaktiv so‘zlashuvchi kitoblar o‘ziga xos rivojlantiruvchi ensiklopediyadir. Bola rasmlarni bosib, yuzdan ortiq faktlarni tinglaydi. Qahramonlar esa bolani tana a’zolari, hissiyotlar, maishiy buyumlar va boshqa mavzular bilan tanishtiradi.
4. O‘yin gilamchasi
Hali o‘tirishni o‘rganmagan chaqaloqlar uchun ham qiziqarli o‘yinlar bor. Masalan, o‘yin gilamchasi yorqin, yumshoq, turli ovoz chiqaradigan o‘yinchoqlar osilgan yoyga ega. Ba’zi gilamchalarda pianino tugmachalari ham bo‘lib, ular yordamida bola tovushlar chiqarishni o‘rganadi. Gilamcha batareya bilan ishlaydi.
5. Elektron plakat
Bolalar uchun mo‘ljallangan elektron plakatlar darrov e’tiborni jalb qiladi va turli mavzularni, masalan, tabiatni o‘rganishga yordam beradi. Bunday plakatlar turli mavzularda hikoya qiladi, she’rlar aytadi, shuningdek, viktorina rejimi orqali bolaning bilimini sinaydi. Uch yoshdan katta bolalar uchun tavsiya etiladi.
6. Musiqali tungi chiroq
Qorong‘ilikdan qo‘rqadigan bolalar uchun musiqali tungi chirog‘i eng yaxshi yechim. Uning ichida turli rejimlar mavjud: sayyoralar, baliqlar, yulduzchalar va boshqalar. Chiroq aylanadi, yorug‘lik taratadi va alla aytadi. Micro USB orqali quvvatlanadi.
7. Ksilofonli sorter
WiMi avtobusi — bu sorter, ksilofon va mashinani birlashtirgan o‘yinchoq. Shakllar orqali bola mantiq va motorikani rivojlantiradi, ksilofon bilan esa tovushni farqlashni o‘rganadi. Mustahkam plastmassadan tayyorlangan bu o‘yinchoq uzoq xizmat qiladi.
8. Qo‘shiq aytuvchi quyoncha
Bolalar uchun interaktiv o‘yinchoqlar orasida alilo quyonchasi o‘zining noyob funksiyalari va xavfsizligi bilan ajralib turadi. Bu o‘yinchoq nafaqat qo‘shiq kuylaydi, ertaklar aytadi, balki bolani o‘rganishga va o‘z-o‘zini rivojlantirishga undaydi.
Quyonchaning yumshoq silikon quloqlari chaqaloq uchun xavfsiz bo‘lib, ularni chaynashdan qo‘rqish shart emas. Mustahkam va zarbaga chidamli tanasi esa bolalar o‘yinida yiqilib tushganda ham osongina buzilmaydi.
Alilo quyonchasida bolalar uchun klassik qo‘shiqlar, ertaklar, sokin musiqalar mavjud. Shu bilan birga, quyoncha interaktiv o‘yinlar orqali bolani harakatga undaydi: masalan, uni silkitib, nechta marta harakat qilinganini hisoblab, javob beradi. Bu bolada faollik va kuzatuvchanlikni rivojlantiradi.
Izoh (0)