Туркиялик машҳур актриса Мелиса Асли Памук шахсий ҳаётини кўз-кўз қилишни ёқтирмайдиган санъаткорлардан бири. Ҳатто унинг турмуши ва тўй маросими ҳақида ҳам мухлислар орадан бир неча ҳафта ўтгачгина хабар топишган эди. “Севги изтироби” сериали юлдузи ўғли билан тушган суратни эълон қилди.
2025 йил 29 январь куни Мелиса Асли Памук илк бор она бўлди. У ўғил фарзанд кўрди. Чақалоққа Милан исми қўйилди. Эътиборлиси шундаки, у айнан отаси машҳур футболчи Юсуф Язичининг туғилган кунида дунёга келган.
Ҳозиргача “Севги изтироби” юлдузи боланинг қаерда ва қандай туғилгани ҳақида ҳеч қандай маълумот бермаган эди. Бироқ 6 май куни Мелиса ўз қоидасидан чекиниб, илк бор ўғлининг юзини оммага кўрсатди.
Памук ўғли Милан билан бирга футбол ўйинига борди ва ҳозирда Грециянинг “Олимпиакос” клубида тўп сураётган турмуш ўртоғи Юсуфни ғалаба билан табриклади. У ижтимоий тармоқлардаги саҳифасида оилавий суратни улашди.
Актрисанинг мухлислари Юсуф ва Мелисани бахтиёр ва мамнун кўринишидан хурсанд бўлди. Фақатгина изоҳлар икки гуруҳга бўлинди. Айримлар Миланни онасига ўхшатишса, бошқалар боланинг отасига жуда ўхшашлигини таъкидлади.
Изоҳ (0)