Француз фермери ўз еридан олтин топди, аммо бойликдан фойдалана олмади. Ушбу мамлакат қонунчилигига кўра, табиий бойликлар хусусий мулкда жойлашган бўлса ҳам давлат мулки ҳисобланади. Бу ҳақда УнионРаё нашри хабар бермоқда.
Маълум қилинишича, 52 ёшли Мишел Дюпоннинг ер участкаси Оверн вилоятида жойлашган. Унинг айтишича, ҳудудни кўздан кечираётганда, балчиқда ғалати ялтирашни пайқаган. У бир оз чуқурроқ ковлаганда олтин бўлакларини топган.
Дастлабки баҳолашларга кўра, ер остида 150 тоннадан ортиқ олтин мавжуд бўлиши мумкин. Бундай миқдор ҳатто тажрибали геологларни ҳам ҳайратга солди. Захираларнинг тахминий қиймати 4 миллиард еврони ташкил этади.
Бироқ ҳуқуқий ва экологик экспертиза ўтказилмагунча фойдали қазилмаларни қазиб олиш тақиқланган. Ҳозирда ҳудуд ҳар қандай тижорат фаолияти учун ёпиқ. Мишелнинг ўзи эҳтиёткор бўлиш кераклигини тушунишини, аммо “умидсизликка тушмаслик қийин”лигини таъкидлади.
Маҳаллий аҳолининг муносабати турлича бўлди. Баъзилар олтин кони минтақага иқтисодий ривожланиш учун имконият яратиши мумкин, деб ҳисоблайди. Бошқалар эса фойдали қазилмаларни қазиб олишнинг атроф-муҳитга ва минтақанинг осойишта ҳаётига таъсиридан хавотирда эканлигини билдирмоқда.
Изоҳ (0)