Буюк Британиянинг СОАХ компанияси Telegram фойдаланувчилари сони, энг кўп фойдаланиладиган давлатлар ҳамда энг машҳур каналлар бўйича олиб борган тадқиқотини эълон қилди. Натижалар 50 мингдан ортиқ респондентнинг жавобларига асосланади.
2023 йил июль ҳолатига кўра, Telegram 800 миллион ойлик фаол фойдаланувчига эга бўлган. Бу 2022 йил ноябри билан солиштирганда 14,29 фоиз ўсишни англатади. Premium обуначилар сони эса 5 миллионни ташкил этади. Telegram фойдаланувчиларининг 57,5 фоизи эркаклар, 42,4 фоизи эса аёллар ҳисобланади.
Telegram’дан энг кўп фойдаланадиган давлатлар
Ҳиндистонда мессенжер иловаси 104 миллион марта юклаб олинган ва бу борада етакчи. Кейинги ўринларни Россия (34,4 миллион), Индонезия (27,2 миллион), АҚШ (26,9 миллион), Миср (14,9 миллион) эгаллайди. Етакчи 10 таликдан қуйидаги давлатлар ҳам ўрин олган.
- Вьетнам — 11,8 миллион
- Мексика — 11,6 миллион
- Украина — 10,8 миллион
- Туркия — 9,8 миллион
- Филиппин — 9,6 миллион
- Нигерия — 8,5 миллион
- Қозоғистон — 7,6 миллион
- Франция — 6,5 миллион
Обуначилар сони бўйича етакчи бўлган каналлар
Telegram’даги энг оммабоп канал @TelegramTips бўлиб, унинг 8,92 миллион обуначиси бор. Иккинчи ўринда расмий @telegram канали 6,32 миллион обуначи билан турибди. Рус тилидаги “Прямой Эфир” (4,64 миллион), Topor live (3,71 миллион) ва Рамзан Қодировнинг канали (3,30 миллион) ҳам рўйхатдан жой олган.
Telegram’даги энг машҳур каналлар тоифаси
Янгиликлар каналлари энг оммабоп бўлиб, фойдаланувчиларнинг 85 фоизи уларни кузатади. Кўнгилочар каналлар иккинчи ўринда (62 фоиз) туради. Таълимга ихтисослашган каналларни 58 фоиз фойдаланувчи кузатади. Сиёсий каналлар фойдаланувчиларнинг 50 фоизида қизиқиш уйғотган. Соҳага оид янгиликлар каналлари (масалан, технология, молия ва бошқалар) эса умумий фойдаланувчиларнинг 48 фоизига эга.
Изоҳ (0)