5 июнь, жума куни дунёнинг турли бурчакларидан олинган энг қизиқарли суратлар жамланмасини тақдим этамиз.
Жанубий Кореянинг Йонгин шаҳрида сув тепаликларида учиб юрган одамлар. Фото: Reuters
Нигериянинг Абужа шаҳрида жинсий зўравонликка қарши маълумотларни намойиш этишга чиққан аҳоли вакили. Фото: Reuters
Шри-Ланканинг Коломбо шаҳрида Бутунжаҳон атроф-муҳит кунида пляждаги чиқиндиларни йиғиб юрган волонтёр. Фото: Reuters
Индонезиянинг Жакарта шаҳрида сув босган ҳудудда балиқ сақланадиган қутига кириб олган қизалоқ. Фото: Reuters
Мексиканинг Валье-де-Чалько ҳудудида дафн маросимида мусиқа чалиб бўлиб уйига йўл олган мусиқачи. Фото: Getty Images
Ҳиндистоннинг Жамму шаҳридаги Жамму-Шринагар шоссесида чиқиндилар ичидан озуқа қидираётган маймунлар. Фото: AP Photo
Ҳиндистоннинг Бангалор туманида бепул керакли маҳсулотлар учун навбатда турган одамлар. Фото: EPA
Япониянинг Токио шаҳридаги музейда рақамли санъат асарларини томоша қилаётган ташриф буюрувчилар. Фото: EPA
Президент Шавкат Мирзиёев Фарғона вилояти Қўштепа туманидаги «Турсунов Юсуфжон ери» фермер хўжалиги даласида, 2020 йил 5 июнь. Фото: Президент матбуот хизмати
Франциянинг Версаль саройида ходимлар жиҳозларни Ойнали залга олиб ўтмоқда. 82 кун ёпиқ турган сарой яқин орада очилади. Фото: AFP
5 июнь тунида ерликлар тўлин ойга гувоҳ бўлишди. Ушбу сурат Қозоғистонда олинган. Фото: Reuters
Будапештдаги Дунай дарёси устидаги кўприк Трианон битимининг юз йиллиги муносабати билан миллий байроқ рангларига бўялди. Айни битим натижасида Венгрия 72% ҳудуди ва 64% аҳолисидан айрилган эди. Фото: Reuters
Нью-Йорк мэри Билл Ди Блазио қора танли Жорж Флойднинг ўлдирилиши ортидан келиб чиққан Бруклиндаги митинглардан бирида сўзга чиқди. Фото: Reuters
Гонгконгда ҳукумат қаршилигига қарамасдан минглаб фаоллар 1989 йилда Пекиннинг Тяньаньмэнь майдонидаги фалокатли ҳодисалар қурбонига айланган талабаларни хотирлаш акциясини ўтказди. Фото: Reuters
Шотландиядаги Гринан пляжида машқ қилаётган GB гандбол жамоасининг аъзоси Крейг Макклелланд. Фото: Reuters
Хитойнинг Шанхай шаҳридаги офис бинолари олдидан ўтиб бораётган ниқобли одамлар. Фото: Reuters
Венгриянинг Будапешт шаҳридаги Қаҳрамонлар майдонида Трианон битимининг 100 йиллигини нишонлаётган раққослар. Фото: Reuters
Британиянинг Лутон аэропортида полиэтилен пакети билан ўраниб олган йўловчи. Фото: Reuters
Вьетнамнинг Вин-Фук провинциясидаги гуруч даласи ёнида жойлашган чиқиндихонадаги телевизор экранлари ва компьютерларнинг синиқ бўлаклари. Фото: Reuters
Аввалги кунларнинг фотогалереялари:
Изоҳ (0)