Франция гиёҳванд моддалар савдоси билан шуғулланувчилар ва радикалларни жойлаштириш учун Франция Гвианаси ҳудудида хавфсизлиги кучайтирилган қамоқхона қуради. Бу ҳақда мамлакат Адлия вазирлигига таяниб BBC хабар берди.
Мамлакат адлия вазири Жералд Дарманиннинг таъкидлашича, қамоқхона гиёҳванд моддалар билан шуғулланувчи ашаддий жиноятчиларга бошпана бўлади.
2028 йилда очилиши режалаштирилаётган 400 миллион евролик иншоот Сент-Лоран-ду-Марони шимоли-ғарбий минтақасидаги Амазонка ўрмонларининг ичкарисида изоляция қилинган ҳудудда қурилади. Унда 500 нафаргача одам сақланиши кўзда тутилган. Энг хавфли жиноятчилар эса алоҳида бўлмаларда сақланади.
Франция ҳукумати узоқ вақтдан бери қамоқхоналарга мобил телефонларнинг кириб бориши устидан назоратни йўқотган эди. Ҳозирда француз қамоқхоналарида ўн минглаб уяли алоқа воситалари борлиги маълум қилинган. 2025 йил бошида Франция ҳукумати жиноий тўдалар фаолиятига чек қўйиш учун мўлжалланган янги қонунни эълон қилган.
Саинт-Лаурент-ду-Марони машҳур Иблис ороли колониясининг собиқ кириш порти бўлиб, у ерга 1852—1954 йилларда Франция қитъасидан 70 минг маҳкум жўнатилган.
Изоҳ (0)