Ўзбекистонда 2024 йил май ойида жами 32 029 дона автомобиль ишлаб чиқарилган. Бу ўтган йилнинг майига нисбатан 6 219 дона камроқ.
Иқтисодчи Отабек Бакировнинг ёзишича, автосаноат май ойида ишлаб чиқаришни ўтган йилнинг шу даврига солиштирганда ва апрелга нисбатан айрим оммабоп моделларда сезиларли даражада пасайтирган.
Ишлаб чиқаришнинг қисқариши, хусусан, “конвеердан олинди” дейилган Lacetti (959 дона ишлаб чиқарилган, апрелга нисбатан 1 184 донага кам) ва Tracker (2 102 дона, 3 050 донага кам) ҳисобига рўй берган. Ўшанда Lacetti учун бутловчи қисмлар ишлаб чиқарувчи корхоналарнинг ишлаб чиқариш қувватлари янги моделларга йўналтирилиши айтилганди.
Айни вақтда Cobalt ишлаб чиқариш 15 838 донагача етган (апрелга нисбатан 2 490 донага кўп).
2024 йилнинг 5 ойида эса жами 57 542 та Cobalt ишлаб чиқарилган. Статистика агентлиги маълумотига кўра, бу ўтган йилнинг январь—май ойларига нисбатан 46,6 фоизга кўп.
Cobalt’дан сўнг беш ой давомида энг кўп ишлаб чиқарилган енгил автомобиллар қуйидагича:
- Damas — 31 239 дона;
- Tracker — 19 279 дона;
- Onix — 14 905 дона;
- Lacetti-Gentra — 11 913 дона;
- Kia — 7 433 дона;
- Chery — 4 000 дона;
- Haval — 230 дона;
- Exeed — 93 дона.
Шунингдек, 10 198 дона махсус енгил автомобиллар ишлаб чиқарилган.
Изоҳ (0)